Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Akademik litseylar, kasb-hunar kollejlari va umumta’lim maktablari o‘quvchilarining umumta’lim fanlari bo‘yicha Respublika olimpiada bosqichlarini o‘tkazish bo‘yicha Tashkiliy qo‘mitaning 2012 yil «___» noyabrdagi 1-son yig‘ilish bayoniga 2-ilova

Akademik litseylar, kasb-hunar kollejlari va umumta’lim maktablari o‘quvchilarining umumta’lim fanlari bo‘yicha Respublika olimpiadasi o‘tkaziladigan umumta’lim fanlar baholash mezonlari

ONA TILI VA ADABIYOTI

( QOZOQ, TOJIK TILI VA ADABIYOTI)

Ona tili va adabiyoti (Qozoq, tojik tili va adabiyoti) fanidan olimpiadaning birinchi, ikkinchi, uchinchi bosqichi umumta’lim maktablarining 9-11-sinflari o‘quvchilari orasida o‘tkaziladi.

Akademik litsey va kasb-hunar kollejlari o‘quvchilari orasida ona tili va adabiyoti fanidan birinchi bosqich 1-3 kurslarda, ikkinchi, uchinchi bosqich 2-3 kurslarda o‘tkaziladi.
Olimpiadaning birinchi, ikkinchi bosqichi 3 turda (yozma ish, test sinovlari, og‘zaki), uchinchi bosqichi 2 turda ( yozma ish, test sinovlari) o‘tkaziladi.
Olimpiada sinovlarini quyidagi tartibda o‘tkazish tavsiya etiladi.
YOzma ish
2-3 kurs (9-11 sinf)larda birinchi (ta’lim muassasasi) va ikkinchi (tuman), uchinchi (viloyat) bosqichlarida o‘quvchilar adabiy, adabiy ijodiy va erkin mavzularda insho yozadilar
Mazkur turda o‘quvchining yozma nutq qobiliyati, mustaqil fikrlashi hamda savodxonlik darajasi sinovdan o‘tkaziladi. Insho yozish uchun 2 soat (120 daqiqa) vaqt ajratiladi. YOzma ish mavzulari o‘quvchilarni ijodiy izlanishga, shaxsiy fikr-mulohaza bildirishga, bir xil mavzudagi bir necha manbalarda ifodalangan fikrlardan umumlashma xulosalar chiqara olish va uni yoza bilishga ko‘maklashuviga qaratilishi lozim. Bunda o‘quvchi mavzu bo‘yicha fikrlay olishi, berilgan mavzu manbalarini shunchaki bayon qilib yozmasdan, o‘z ijodiy fikrini bildirish zarurligini idrok qilishi kerak. Bunda insholarning minimal hajmi quyidagicha bo‘lishi mumkin. 1-kurs (9-sinf
4-4,5 bet, 2-kurs 4,5–5 bet, 3-kurs (11-sinf) 6-7 betdan kam bo‘lmasligi talab qilinadi.