Ўзбекистон Республикаси ҳукумати халқимизнинг фаровонлиги ва замон талабидаги техника ва технологияларни халқ хўжалигининг турли соҳаларига жорий қилиш йўлида бир қатор ишларни амалга оширмоқда

Маълумотлар базаси – бу махсус форматдаги файлдир. Бу файлда бирор структура бўйича тартибланган ахборотлар бўлади. Кўпчилик маълумотлар базаси жадвал кўринишидаги структурага эга. Берилган ахборотнинг адреси, Excel дастуридаги каби, устун ва қаторлар кесишган жойда бўлади. Маълумотлар базаси тилида, устунлар - майдон, қаторлар эса - ёзув дейилади. Майдон – маълу-мотлар базасининг структурасини ташкил қилади, ёзув эса шу структурага кирувчи ахборотларни ташкил қилади.
Маълумотлар базасининг асосий элементларидан бири – бу майдондир. Ҳар бир майдон ўз хусусиятига эга. Ҳар қандай майдоннинг асосий хусусияти, бу унинг узунлигидир. Майдоннинг узунлиги символларда ифодаланади. Майдонга қанча ахборот кетиши, унинг узунлигига боғлиқ. Биз биламизки, ҳар қандай символни код орқали ифодаласак, бир ёки икки байт бўлади, демак майдоннинг узунлигини байтларда ўлчанади десак ҳам бўлади.
Ҳар қандай майдоннинг яна бир муҳим хусусияти – бу унинг номи ҳисобланади. Битта маълумотлар базасида иккита майдоннинг номини бир хил ном билан номлаш мумкин эмас, акс ҳолдла компьютер бу майдонлардаги маълумотларни аралаштириб юборади.
Майдоннинг яна бир хусусияти - имзодир. Имзо – бу устуннинг сарлавҳаси сифатида акс этувчи ахборотдир. Агар имзо берилмаган бўлса, майдоннинг номи сарлавҳа сифатида акс этади.
Майдонларнинг қуйидаги турлари мавжуд бўлиб, уларнинг ҳар бири турли хусусиятларга эга:
1. Матнли турдаги майдон. Унинг асосий хусусияти – бу унинг ўлчами. Бу майдонга 256 тагача символ ёзиш мумкин.
2. Сонли турдаги майдон. Сонли майдон рақамлардан (сонлардан) ташкил топган маълумотларни киритиш учун мўлжалланган. У ҳам ўлчамга эга. Агар каср сонлар киритилаётган бўлса, майдоннинг ўлчамидан ташқари соннинг каср қисмининг ҳам ўлчами кўрсатилади.
3. Кун ва вақт туридаги майдони. Кун ва вақтни киритиш учун "Дата/время" майдони мавжуд.
4. Логик (мантиқий) турдаги майдон. Логик майдон – бу ҳа ёки йўқ, 0 ёки 1, рост ёки ёлғон каби мантиқий ахборотларни киритиш учун мўлжалланган майдондир.
5. Пулли (Денежный) туридаги майдон. Бу майдонда рақам билан бирга бирор пул бирлиги ҳам кўрсатилади.
6. OLE туридаги объектли майдон. Бу майдонга мусиқа клиплари, видеоёзувлар, расмлар жойлашади.
7. МЕМО туридаги майдони. Агар сиз киритаётган текст 256 та символдан кўп бўлса, у МЕМО майдонига жойлашади. Бу майдонга 65536 тагача символ жойлаштиприш мумкин. Аслида бундай катта ахборот бошқа жойда сақланади. МЕМО майдонида эса шу катта ахборотни жойлашган ўрнини кўрсатувчи кўрсатма бўлади.
8. "Счётчик" туридаги майдон. Бир қарашда бу оддий сонли майдон, лекин ёзув киритиш билан, у автоматик тарзда ўсиб бориш хусусиятига эга. Бу майдон ёзувлар сонини ҳисоблаб ёки санаб бориш учун қулайдир.
Ўзаро боғлиқ жадваллардан тузилан маълумотлар базаси реляцион маълулмотлар базаси дейилади.