Ўзбекистон Республикаси ҳукумати халқимизнинг фаровонлиги ва замон талабидаги техника ва технологияларни халқ хўжалигининг турли соҳаларига жорий қилиш йўлида бир қатор ишларни амалга оширмоқда

§ 1.2. Ахборот технологиялари ва уларнинг ахборот таъминоти

Автоматлаштирилган бошқариш тизимининг ахборот таъминоти объектларнинг фаолиятида фойдаланиладиган маълумотлар йиғин-дисидир. Ахборот таъминоти - норматив маълумотлар, техник-иқтисодий ахборот классификаторлари, маълумотлар массиви, умумлаштирилган ҳужжатлардан иборат.
Ахборот таъминотининг асосий вазифаси моддий объектларни бошқаришда самарали қарорлар қабул қилиш учун тизимни аниқ маълумотлар билан таъминлашдан иборат. Шу сабабли ахборот таъминоти қуйидаги шартларга жавоб бериши керак:
1. Функционал масалаларни ечиш учун аниқ ва етарли, тўлиқ ва асосли маълумотларни ўз вақтида етказиб бериш;
2. Масалаларнинг ўзаро алоқадорлигини таъминлаш;
3. Маълумотларни сақлаш ва қидиришни самарали ташкил қилиш;
4. Электрон ҳисоблаш машинаси ва ундан фойдаланувчилар ўртасидаги ишлашнинг тартибини ташкил қилиш.
Ахборот таъминотини яратишда турли масалалар ҳал қилинади. Улардан бир қисми маълумотларни ЭҲМ ёрдамида ишлашга тайёрлаш бўлса, иккинчи қисми маълумотларни ЭҲМ да сақлаш, қидириш ва қайта ишлаш билан боғлиқдир. Шу сабабли ахборот билан таъминлашни икки гуруҳга ажратиш мумкин:
1. Машинадан ташқаридаги ахборот таъминоти;
2. Машина ичидаги ахборот таъминоти.
Машина ташқарисидаги ахборот таъминоти қуйидаги тизимларни ўз ичига олади:
1. Ҳужжатлар тизими;
2. Маълумотларни ихчамлаштириш тизими;
3. Маълумотларни ифодалаш тизими.
Ҳужжат қабул қилинган андозада тузилган ва иқтисодий масалаларни ечишда ишлатиладиган, қоғозда маълум бир қоида асосида бирлаштирилган маълумотлар йиғиндисидир.
Ҳар қандай ҳужжат уч қисмдан ташкил топади:
1. Сарлавҳа қисми; 2. Асосий қисм; 3. Тасдиқловчи қисм.
Сарлавҳа қисмида ҳужжат учун доимий бўлган реквизитлар жой-лашади. Масалан: ҳужжат шакли, ҳужжатнинг номи, тартиб номери, ҳужжат шаклининг шифри, корхона ташкилотнинг номи ва манзилгоҳи, ҳисоб рақами ва бошқалар.
Асосий қисмда ҳужжат учун шартли доимий ва ўзгарувчан бўлган реквизитлар жойлашади. Улар гуруҳловчи, норматив, миқдор ва қийматли турларга ажралади. Масалан, товарнинг номи, шифри, ўлчов бирлиги, баҳоси, миқдори, қиймати ва бошқалар.