Ўзбекистон Республикаси Соғлиқни сақлаш вазирининг

Гипергонадотроп гипогонадизм. 
Бирламчи гипогонадизм моякларнинг патологик 
жараён билан бевосита зарарланиши натижасида ривожланади, бунда мояклар томонидан 
андрогенларнинг етарли даражада ишлаб чиқарилмаслиги ва бунга жавобан 
гонадотропинларнинг кўпайиши кузатилади. Сабаблари туғма ва орттирилган бўлиши 
мумкин. 

Туғма: Клайнфелтер синдроми (баъзида гинекомастия билан биргаликда), анорхия, 
Нунан, Рейнфенштейн (тўлиқ бўлмаган маскулинизация), Дель-Кастилло 
(герминатив ҳужайраларнинг йўқлиги) синдромлари; 

Орттирилган: ўтказилган орхит, моякнинг буралиб қолиши, кастрация ва 
цитотоксик даволаш. 

---

273 
Гипогонадотроп гипогонадизм.
Иккиламчи гипогонадизм гипоталамо-гипофиз 
дисфункцияси натижасида ривожланади, бу гонадотропинлар секрециясининг пасайиши 
билан ифодаланади. Бунинг сабаблари қуйидагича: 

Гипоталамик бузилишлар. 

Туғма: 
Кальман, 
Лоренс-Мун-Бард-Бидл, 
Прадер-Вилли 
синдромлари, 
Фридрейхнинг атаксияси. 

Орттирилган: постэнцефалитик, жароҳатдан кейинги, ўсма, гранулематоз 
касалликлар, тизимли касалликлар. 

Гипофизар бузилишлар. 

Туғма: аплазия, ЛГ ва ФСГ танқислиги устун бўлган изоляция қилинган 
гонадотропин етишмовчилиги, Мэддок синдроми. 

Орттирилган: 
жароҳатланиш, 
ўсма, 
гипофизектомия, 
қон 
томирлари 
етишмовчилиги. 
Агар гипогонадотропик гипогонадизмга шубҳа туғилса, текширув нуқтаи 
назаридан миянинг МРТ (гипофиз) ва ЛГ рилизинг-гормон (люлиберин) стимуляцияси 
билан тест ўтказиш керак. 
Гормонларнинг базал (асосий) даражаси кўпинча касалликни умумий тарзда 
тавсифлайди ва ундан эндокрин касалликлар даражасини аниқлашнинг ҳар доим ҳам 
имкони йўқ. Бундай шубҳали ҳолатларда функционал ва гормонал синовларни ўтказиш 
[хорионик гонадотропин (ХГ) билан тест, ЛГ- рилизинг-гормон (люлиберин) билан тест] 
репродуктив тизимнинг турли хил бўғинлари ҳолатини, зарарланиш хусусиятини аниқлаш 
ва патологик оғишларнинг чегарасини белгилаш ва физиологик меъёрнинг вариантларини 
баҳолаш имконини беради. 
Қонда тестостерон концентрациясини ўлчаш гипогонадизм, жинсий функциянинг 
бузилиши ва патозооспермия клиник белгиларига эга бўлган эркакларда ўтказилиши 
керак. 
Қонда ФСГ даражасини аниқлаш гипогонадизмни дифференциал ташхислаш учун 
амалга оширилади; бу варикоцеле ва патозооспермия билан оғриган беморлар учун 
прогностик аҳамиятга эга, чунки унинг юқори концентрацияси фертилликни тикланишига 
умид бермайди. 
Бир қатор муаллифларнинг фикрига кўра, қонда ЛГни аниқлашнинг мақсадга 
мувофиқлиги ЛГ/тестостерон нисбатларини аниқлашдан иборат бўлиб, бу Лейдиг 
ҳужайраларининг қаршилигини ва бепуштлик терапиясининг ёмон прогнозини кўрсатади. 
Қонда пролактин даражасини ўлчаш учун сабаб – бу ЭД, гипоандрогения ва паст 
тестостерон концентрациясининг клиник белгиларидир. Қонда Е2 концентрациясини 
аниқлаш гинекомастия билан оғриган беморларда амалга оширилади, бу буйрак усти 
безлари ёки мояклардаги ўсмаларида кузатилиши мумкин.