Ўзбекистон Республикаси Соғлиқни сақлаш вазирининг

Эякулятнинг стандарт кўрсаткичларидан четга оғишни тавсифлаш учун қуйидаги 
тушунчаларни ажратиб кўрсатиш муҳимдир: 

олигозооспермия: сперматозоидлар 1 млда 15 млн дан кам; 

астенозооспермия: ҳаракатчан серматозоидлар 32% дан кам;

тератозооспермия: нормал шаклдаги сперматозоидлар 4 % дан кам. 

---

272 
Кўпинча, барча 3та параметр биргаликда учрайди (ОАТ синдроми). Ифодаланган 
ОАТ синдроми ҳолатларида (<1 миллион сперматозоидлар/мл), азоспермияда бўлгани 
каби, уруғ йўлларининг обструкцияси, шунингдек, генетик аномалияларнинг учраш 
даражаси юқори. 
Агар ЖССТ мезонларига мувофиқ камида иккита кўрсаткич меъёридан четга 
оғадиган бўлса, бу гидрологик текширув ўтказиш учун кўрсатмадир. 
Андроген статусни баҳолаш бепушт жуфтларни текшириш, ташхислаш ва даволаш 
бўйича ЖССТ стандартлари бўйича амалга оширилиши керак. Бу репродуктив тиббиёт 
каби соҳалараро алоқада далилларга асосланган тиббиёт усулларидан фойдаланишга 
имкон беради.
Эякулятни таҳлил қилиш ЖССТ томонидан одамнинг эякуляти ва 
сперматозоидларнинг бачадон бўйни шиллиғи билан ўзаро таъсирини лаборатория 
текширувида акс этган тавсияларга мувофиқ амалга оширилиши керак (5-нашр).
5.4.5.2. Гормонал текширув
Эндокрин касалликларни аниқлаш ва бепуштлик генезини аниқлаш учун қондаги 
қуйидаги жинсий гормонларни аниқлаш керак: ФСГ, ЛГ (лютеинловчи гормон), 
тестостерон, пролактин, Е2 (эстрадиол) ва глобулинлар билан боғланган тестостерон. 
Азоспермия ёки ифодаланган олигоастенотератозооспермияда обструктив ва 
обструктив бўлмаган сабабларни фарқлаш керак. Нормал ФСГ даражаси ва иккала 
моякнинг етарли даражадаги ҳажми обструкцияга шубҳа қилиш учун мезон бўлиши 
мумкин. Аммо нормал ФСГ даражасига эга бўлган эркакларнинг 29 фоизида 
сперматогенез бузилишлари мавжуд. 
Гормонларни аниқлаш учун қон олиш соат 9:00 дан 11:00 гача, циркад ритми 
таъсирини истисно қилиш учун ва камида 2 кун давомида жинсий алоқадан сақланиш 
билан амалга оширилади. Тадқиқотдан олдин бирон бир текширувларни ўтказмаслик 
керак, шу жумладан инструментал текширувларни ҳам. Агар олинган натижалар тахмин 
қилинган ташхисга мос келмаса ёки бир-бирига зид бўлса, текширувни такрорлаш керак. 
Жинсий безларнинг андроген функциясининг ишончли кўрсаткичи бу эркак 
организмидаги энг муҳим, ўзига хос ва умумий таъсир кўрсатадиган гормон – тестостерон 
даражасини аниқлашдир. Кўпинча, тестостероннинг умумий концентрацияси аниқланади, 
у қонда оқсилларга боғланган ҳолда (98%) ва эркин ҳолатда (2%) айланади. Аммо, айнан 
эркин тестостерон рецепторлари билан ўзаро таъсир қилади ва биологик фаолликка эга. 
Шу сабабли, эркин тестостерон даражасини билиш турли хил гормонал-ҳаракатларнинг 
корреляциясини аниқлашга ва гормон билан даволашнинг самарадорлигини объектив 
баҳолашга имкон беради.