Zbekiston respublikasi oliy va o ‗ rta maxsus ta`lim vazirligi

SHUURNING SHOIRONA TALQINI 

Nafisa KARIMOVA,  

(magistrant) TDO„TAU  

 

Badiiy ijod – ko‗ngil munavvarligi. Ilmiy ijod esa fikr charxpalagidir. Qalb 

orom  olishni  istagan  pallalarda,  ijodga  yo‗g‗riladi.  Fikrat  olamni  anglashga 

intilganda,  ilm  orqali  harakatga  tushadi.  Adabiyotga  odam  va  olam  bobidagi 

yondashuvlar  bilan  qarab  kelingan.  Ilm  ahli  ahli  ijodni  tahliliy  tekshiruvlardan 

o‗tkazadi.  Bunga  har  birimiz  juda  ko‗p  martalab  guvoh  bo‗lganmiz,  badiiy  tahlil 

jarayonlarining  ishtirokchisiga  aylanganmiz.  Badiiy  asarning  mazmun  mohiyati 

qay  yo‗sinda  ochib  berilishini  yaxshi  tushunamiz,  albatta.  Nazariy  tamoyillar 

yozuvchi yoki shoirni qayta kashf etishda  muayyan bir ahamiyat kasb etishi hech 

birimizga  yangilik  emas,  biroq  ijodkorlarning  o‗zlari  o‗zlarini  tahlil  etishini, 

adabiyot ilmiga doir mulohazalarini ham shu kompleks tarkibiga kiritishimiz ayni 

muddaodir.  Sevimli  shoirimiz  Erkin  Vohidovning  ―Shoiru,  she`ru,  shuur‖  nomli 

kitobi ayni biz nazarda tutgan masalaga oydinlik kiritadigan adabiyotlardan biridir. 

Kitobda  Erkin  Vohidovning  maqolalari,  suhbatlari,  adabiy  o‗ylari  jam  bo‗lgan. 

Shoir  dastlab  o‗zini  tekshiradi:  ―Bunday  qaraganda,  bitta  shoir  qilishi  kerak 

mumkin  bo‗lgan  ishni  qilib  qo‗ygandekman.  Lekin  hech  qachon  o‗z  qilgan 

ishimdan  ko‗nglim  to‗lgan  emas.  Hamisha  yozganimdan  yozadiganim  muhimroq 

va  azizroq  tuyuladi‖  [1,  8].  Hayoldagi  jamiki  narsa  oliy  darajada  turadi.Xuddi 

orzular kabi.Tafakkur qog‗ozda iz qoldira boshlagach, oliylik darajasi pasaygandek 

---

133 

 

tuyuladi. Ana shu ma`noda, shoirimiz bu jarayonni hammadan ko‗ra, yaxshiroq va 

teranroq his etishiga iqror bo‗lgan.  

Ijod  laboratoriyasiga  taalluqli  unsurlaridan  biri  –  mavzu  tanlash.  Ba`zida 

nasrda  mavzuning  tanlanishi  alohida  ahamiyatga  ega,  nazmda  esa  shoirona 

kayfiyat va ilhomga bog‗liq, degan biryoqlama fikrlar aytilgan. Erkin Vohidov esa 

insonning  ichki  olamini  tavsiflovchi  mavzular  nazm  yo  nasr  yo‗nalishini 

tanlamasligini,  insonni  madh  etuvchi  mavzular  abadiy  hisoblanishini  aytadi. 

―She`riyatning  mavzulari,  ohanglari,  ifoda  uslublari  har  davrda  o‗ziga  xos 

o‗zgacha bo‗ladi. Lekin bir narsa hamisha ustuvor: she`riyat inson qalbining holati 

ekani,  uning  quvonchi,  muhabbati,  nafrati,  sog‗inchi  ifodasi  ekani  –  abadiy‖  [1, 

15].  Shoirona  ta‘rif  nazariy  ta‘rifdan,  mazmuni  bilan  emas,  ifoda  yo‗sini  bilan 

farqlanishini ko‗rish mumkin.  

Shoir bo‗lib, qalam tutishga undovchi layoqat tug‗yoni iste`dod, deb ataladi. 

―Barcha iste`dodlar kabi shoirlik iste`dodi ham tug‗ma bo‗ladi va bolalikdan o‗zini 

namoyon etadi. Bu kunduzdek ravshan, haqiqatning o‗zidek ayon. Tug‗ma iste`dod 

egasi bo‗lmagan, she`riyatga havas tufayli adabiyotga kirib qolganlar – umr bo‗yi 

havaskor  bo‗lib  qoladilar‖  [1,  15],  deb  yozadi  shoir  o‗z  kitobida.  Lekin 

nazarimizda,  shoir  havaskorlarning  adabiyot  maydonida  qisqa  muddat  qolishini 

hisobga  olmagandek.  Iste`dodning  bolalikdan  namoyon  bo‗laboshlashi, shoirlikka 

bo‗lgan layoqat tug‗ma ekani shak-shubhasizdir. Biroq iste`dodlarga ergashib she`r 

yozishga  harakat  qilgan  havaskor,  har  doim  ham  ergashib  yuravermaydi. 

Yozganlari  talab  darajasida  emasligini  tushungach,  o‗z-o‗zidan  chekinadi.  Yosh 

shoirlarni  o‗z  vaqtida  aniqlab,  ijodkor  sifatida  tarbiyalash  uchun  ta`lim 

muassasalari  va  ijodiy  uyushmalarda  to‗garaklar  tashkil  etilgan.  Shoirlar 

havaskorlardan shu jarayonlarni o‗zida ham saralanadi. Fikrimizni dalillash uchun 

―XX  asr  o‗zbek  she`riyati  antologiyasi‖ni  keltirishimiz  mumkin.  Bunda  shoirlar 

havaskorlardan  professionallik  nuqtayi  nazaridan  saralangan.  Albatta,  har  qanday 

ijodkorning har qanday mavzu yuzasidan shaxsiy mulohazasi bo‗ladi, ijodkorning 

individualligi ham ana shunda. 

Kitobda  ―Qo‗shiqning  joni  kuy  bo‗lsa,  vujudi  she`rdir.  So‗z  va  kuy,  jismu 

jon  kabi  bir  butun  bo‗lgan  joyda  haqiqiy  qo‗shiq  paydo  bo‗ladi  va  bunday 

qo‗shiqning umri boqiy bo‗ladi‖ [1, 37], deb san`at va adabiyotga doir mulohazalar 

berilgan.  E.Vohidovning  yuqorida,  she`rda  insonning  ichki  holati  to‗la  ochib 

berilishi  asarni  abadiylashtiradi,  degan  gapini  ko‗rib  chiqqan  edik.  Shoirning 

fikricha, mazkur ijodiy sifat san`at, jumladan, musiqa bilan ham bog‗lanib ketadi. 

Shu  kabi  kuzatishlardan  olingan  xulosalarni  o‗qib,  har  qanday  ijodkor  Erkin 

Vohidov kabi shoir bo‗lishni istashdan oldin, u kabi adabiyot va hayotni atroflicha 

kuzatishni o‗rganishi lozim ekan, degan to‗xtamga kelamiz. 

Kishilarning  ma`naviy  ehtiyojlarini  to‗ldiruvchi  qadriyatlar  tipi  ham 

mavjudki, ular kishini estetik zavq va yorug‗likka yetaklaydi. Erkin Vohidov she`r 

haqida  so‗z  yuritar  ekan,  she`rni  oliy  qadriyat  maqomiga  olib  chiquvchi 

xususiyatini  ham  aytib  o‗tadi.  ―She`riyat  inson  qalbining  ko‗zgusi  va  malhami, 

unga qanot beruvchi omil ekan, shoirning birinchi vazifasi kishilar ko‗ngliga taskin 

va nur olib kirish, dardiga hamdard bo‗lish, unga kuch va madad berishdir‖ [1, 86]. 

---

134 

 

Biz  nega  kitobni  kishilarning  do‗sti  deb  bilamiz?  Turmush  tashvishlarining 

charchog‗ini  chiqaradigan,  qalb  jabr  ko‗rganda  hamdard  bo‗ladigan  adabiyot  bor. 

Agar  she`riyat  (kitoblari)  E.Vohidov  aytgan  ma`naviy  vazifani  bajarmas  ekan, 

uning insonga do‗st deb bilishimizning ahamiyati qolmaydi. Mavzuning tanlanish 

yo  tanlanmasligi  ham,  abadiy  tipga  kirishi  ham,  ijodkor  iste`dodining  ahamiyati 

ham mana shunday sahifalarda bo‗y ko‗rsatadi. Erkin Vohidov shoir sifatida ham, 

chin  insoniylik  ma`nosida  ham  nega  she`r  yozayotganini,  kim  uchun  she`r 

yozayotganini  to‗la  idrok  eta  olgan  ijodkordir.  U  she`r  va  shoir  qadriga  munosib 

baho bergan : ―Shoirni minglar va millionlar o‗qishi shart emas. Shoirlar bo‗ladiki, 

ularni bir kishi yolg‗iz o‗zi kechasi o‗qiydi. Kitobi yostig‗ining tagida turadi. Bu -

shoir  uchun  baxt‖  [1,  160],  deydi.  Chunki  millionlarning  ko‗ngliga  ko‗zgu  tutib, 

umumiylikka berilish ijodiy maqsadni marradan uzoqlashtiradi. Millionlar ichidan 

taskin istovchi izlanmaydi. Ma‘sumning  o‗zi she`rdan o‗ziga yupanch topa oladi. 

Yozilgan she`rlar kimgadir shunday  yupanch bo‗la olsa, shoirning ijodiy  maqsadi 

hosil bo‗lgan bo‗ladi. She`r o‗z vazifasini bajargan hisoblanadi. 

 

Biz  Erkin  Vohidovni  yaxshi  shaxmat  o‗yinchisi  sifatida  ham  bilamiz.  U 

she`riyatni  shaxmatga  qiyoslagan.  Umuman  olib  qarasak,  mushtarak  jihatlar  bir 

qanchani tashkil etar ekan. Adabiyot ham shaxmat ham oq va qora yo‗llarni bosib 

o‗tadi. Shaxmat donalari ―shoh‖ni himoyalash uchun ikki qatordan tizilib turishsa, 

epizodlar  buni  aksini  bajaradi:  bosh  qahramonning  bor  bo‗yini  ko‗rsatish  uchun 

adiblar  ularni  ―atay‖  asarga  kiritadilar.  Har  ne  bo‗lganda  ham,  epizodlar  ham, 

donachalar ham yaxlitlikni hosil qilishga xizmat qiladi. Erkin Vohidovning ―She`r 

va shaxmat‖ she`ridan parcha:

 

Shaxmat abadiydir, 

She`r ham abadiy. 

Yurish tugamas-u, 

So‗z ham bo‗lmas tamom. 

Shaxmat taxtasida, 

She`r maydonida 

G‗oyalar kurashi 

Etadi davom [2, 63]. 

Misralarda shoirning ham nazariy, ham amaliy qarashlarini ko‗rish mumkin. 

She`r  bilan  shaxmat  o‗yini  hech  qachon  o‗z  ijrosini  to‗xtatmaydi.  She`r 

yozilaveradi,  shaxmat  o‗ynalaveradi.  She`rga  yangi  bandlarni  qo‗shib  boraverish 

mumkin. Shaxmat o‗yinida esa ―shoh‖ni ―mot‖ qilish uchun ancha bosh qotiriladi. 

―Shoh‖ni mag‗lub bo‗lmasligi uchun turli o‗yin usullaridan foydalanilaveradi. Bu 

ikki  jarayon  go‗yo  g‗oyalar  kurashidek.

“Shaxmat  taxtasida,  She`r  maydonida, 

G„oyalar  kurashi  etadi  davom”, 

degan  misralarni  aqliy  va  ijodiy  mehnatni 

mushtaraklashtirgan eng yaxshi ta‘rif, deb baholashimiz mumkin. 

 

Erkin  Vohidovning  ―Shoiru,  she`ru,  shuur‖  kitobidagi  adabiy  o‗ylar  bilan 

tanishib  chiqar  ekanmiz.  Har  bir  shoir,  uning  yozgan  she`ri  va  shuuri  o‗zaro  bir 

insoniy  va  ijodiy  maqsadga  qaratilganiga  va  bu  hayotiy  tajribalar  bilan 

asoslanganligiga  guvoh  bo‗lamiz.  Shoir  E.Vohidov  o‗z  shuuridagi  o‗ylarini 

---

135 

 

kitobxoni  bilan  o‗rtoqlashgan. Mazkur  risola  adabiy-estetik  tafakkurni  ijodkorona 

ruhda tushuntiruvchi dasturamaldir. 

Foydalanilgan adabiyotlar: 

1. Vohidov E. Shoiru, she`ru, shuur. – T.: Yosh gvardiya. 1987. 

2. Vohidov E. Tanlangan asarlar. – T.: Sharq. NMAK. 2016. 

3. Umurov H. Adabiyotshunoslikka kirish. – T.: A.Qodiriy. NMU, 2004.