Zbekiston respublikasi oliy va o ‗ rta maxsus ta`lim vazirligi

 

UMRIMNI FIDO ETAY U JON BERGAN VATANGA 

Bo„rigul NURMUHAMEDOVA,  

o„qituvchi 

Odamlar, siz mening hayotim, 

Har biringiz umrim parchasi. (E.Vohidov) 

Zamonaviy  o‗zbek  milliy  adabiyotining  yorqin  yulduzlaridan  biri  Erkin 

Vohidovning  she`rlari,  dostonlari  va  asarlarini  o‗qimagan,  sahna  asarlarini 

tomosha  qilmagan  o‗quvchilarni  yurtimizdan  topish  qiyin.  Uning  ijodida  g‗azal, 

qasida,  muxammas  kabi  janrlar  ham  muhim  o‗rin  tutadi.  U  adabiyotning  bu 

sohadagi  tajribalarini  boyitish,  mukammallashtirishga  intiladi.  Erkin  Vohidov 

badiiy  mahorati  o‗sib,  kamol  topgan,  chuqur  falsafiy  umumlashmalar  darajasiga 

ko‗tarilgan ijodkordir. U O‗zbekiston xalq shoiri, O‗zbekiston qahramoni. 

Toshkentda  kechgan  bolalik  va  o‗smirlik  yillarining  eng  yorqin  esdaliklari 

shoir  G‗ayratiy  tashkil  etgan  to‗garak  mashg‗ulotlari  va  g‗oyat  olijanob  hamda 

atroflicha bilimdon tog‗asining xonadonida bo‗lib turadigan adabiy suhbatlar bilan 

bog‗liqdir.  Chunki  bu  davralar  unda  badiiy  so‗zga  ehtirom  uyg‗otdi,  bo‗lajak 

shoirni so‗z gozalligini his etishga o‗rgatdi. G‗ayratiy to‗garagiga qatnashib yurgan 

kezlarida , hali o‗smir yoshida ―Mushtum‖ jurnalida birinchi she`ri bosildi.  

Uning  birinchi  she`rlari  14  yoshida  7-  snfda  o‗qib  yurgan  kezlarida  chop 

etilgan.  Uning  ―Manzara‖  nomli  she`rida  tabiat  go‗zalligi,  beg‗ubor  manzara 

samimiy, oddiy tasvirga kirgan bo‗lsa, ko‗p o‗tmay, u do‗stlariga qarata: 

Istaymanki, xurramlik bo‗lsin, 

Sho‗x qah-qaha bog‗lasin qanot. 

Kuy shalola yanglig‗ kuylasin, 

Qo‗shiq bo‗lib tuyulsin hayot, - 

deb, ijodning ulkan karvoniga o‗zining yaxshi niyati, buyuk tilagi va katta umidi, 

pokiza qalb izhori bilan kirib kelgan edi. 

---

170 

 

Erkin  Vohidov  Toshkent  davlat  universitetining  filologiya  fakultetiga 

o‗qishga kiradi. Endilikda u adabiyotni tom ma`noda chuqur o‗rganishga kirishadi. 

Ham o‗zbek mumtoz adabiyotini, ham jahon adabiyotini sinchiklab o‗rganar ekan, 

o‗zining  ijodi  ham  takomillasha  boradi.  Buyuk  ijodkorlarning  asarlarini  berilib 

o‗qish,  ulardan  badiiy  mahorat  sirlarini,  so‗zga  mas`uliyat  hissini,  soddalik  va 

ravonlikni  o‗zlashtirdi.  ―Tong  lavhasi‖,  ―Kamtarlik  haqida‖,  ―Buloq‖,  ―Sevgi‖, 

―Ona tuproq‖ kabi she`rlaridagi chuqur ma`no go‗zal ifodalar, ajoyib tasvirlar bilan 

uyg‗unlashib  ketgan.  Masalan,  shoir  turmushdagi  oddiygina  holat  –choy 

quyilayotganda  choynakning  piyolaga  ―egilishi‖,  choy  ichayotganda  inson 

piyolaning peshonasIdan ―o‗pishi‖dan ajoyib she`r yaratdi. 

Garchi shuncha mag‗rur tursa ham, 

Piyolaga egilar choynak. 

Shunday ekan manmanlik nechun, 

Kibr-u havo nimaga kerak? 

Kamtarin bo‗l, hatto bir qadam 

O‗tma g‗urur ostonasidan. 

Piyolani inson shuning- chun 

O‗par doim peshonasidan. 

Erkin  Vohidovning  badiiy  tafakkurida  ham,  poetik  uslubida  ham  o‗sish, 

ulg‗ayish  sezila  boshladi.  Endi  shoir  oddiy  hayotiy  tasavvurlardan  ancha  chuqur 

fikrlash sari ko‗tariladi. Shoir har tomonlama kamolatga erishadi. U kitobxonlarni 

xushnud  etish  maqsadida  yangidan  yangi  ijodiy  ishlarni  amalga  oshirdi.  ―O‗ylab 

qarasam,  -  deydi  Erkin  Vohidov,-  bolalik  xotiralarimning  ko‗pchiligi  she`rlarga, 

dostonlarga  ko‗chgan  ekan.  ―Nido  ,  ―Quyosh  masakani‖  poemalari,  ―Bolalik‖, 

―Oqsoqol‖,  ―Bolalik  ekan-da‖  she`rlari  o‗sha  murg‗ak  tasavvur,  ilk  xotiralarning 

mevasi bo‗lgan.  

―Nido‖  dostonida  shafqatsiz  urush  tufayli  otasiz  qolib  qalbi  ozor  chekkan 

millionlab  ma‘sum  go‗daklarlarning  fig‗onlari  aks  ettirilgan.  Dostonni  o‗qir 

ekanmiz,  ana  shu  millionlab  yetimlarning  nidosi,  yer  qa‘rida  otgan  urush 

qurbonlarining  nidosi,  farzand  dog‗ida  kuygan  ota-onalarning  nidosi  birlashib, 

yigirmanchi  asr  nidosiga  aylanganini  tuyamiz  va  bu  og‗riqli  nidoni  eshitganday 

bo‗lamiz. 

Umrimni fido etay 

U jon bergan Vatanga. 

El mendan rozi bo‗lsin 

O‗xshabsan, deb otangga. 

Dostonning  qahramoni  –  bola  otalar  ishiga  sadoqatli,  ularning  dushmanga 

qarshi olib borgan mardona kurashi, qahramonliklari bilan faxrlanuvchi, otalarning 

fidoyiligi  evaziga  barpo  bo‗lgan  hayotning  qadriga  yetuvchi,  ular  kabi  xalqqa, 

Vatanga bemunnat xizmat qilishga bel bog‗lagan avlodning umumlashma obraziga 

ko‗tariladi. Doston g‗oyat sodda , ravon, hammaga tushunarli tilda yozilgan.  

Shoir sifatlash, o‗xshatish kabi badiiy ifoda vositalaridan o‗z oldiga qo‗ygan 

ijodiy  niyatiga  mos  holda  mohirona  foydalangan,  asarning  ta`sirchanligini 

oshirishga erishgan Ayniqsa, dostondagi: ―Quzg‗unning qanotiday Qaro edi o‗sha 

---

171 

 

tun‖, ―Avtomatlar bosh uzra ko‗tarildi tug‗simon‖, ―Ona bag‗rida yotgan Mas‘um 

go‗dak  singari‖  kabi  o‗xshatishlar  asarda  tasvirlanayotgan  voqealarni  o‗quvchilar 

ko‗z  oldiga  yaqqol  keltirishga,  lirik  qahramon  holatini  aniqroq  tasavvur  qilishga 

yordam  beradi.  Shoir  asarlarida  hayotga,  go‗zallikga  muhabbat,  yovuzlikka, 

tubanlikka nafrat  yaqqol  sezilib  turadi.  Uning  ―Nido‖  dostonida  insoniyatga  og‗ir 

judoliklar,  bitmas  jarohatlar  keltirilgan  urush  qattiq  qoralansa,  ―Ruhlar  isyoni‖ 

dostonida  xalqlar,  millatlar,  dinlar  o‗rtasidagi  nizolar  bashariyatga  naqadar  katta 

falokat  olib  kelishi  tasvirlangan.  Bu  esa  shoir  ijodida  insonparvarlik, 

Vatanparvarlik hamisha bosh mavzu bo‗lib kelganligini ko‗rsatadi.  

Erkin Vohidov she`rlar, doston va dramalar yozgan shoir sifatida emas, balki 

mudrab  qolgan  aruz  vaznini  qayta  uyg‗otgan  g‗azalnavis  sifatida  adabiyot 

gulshanida chuqur iz qoldirgan. Shoirlar aruzda ijod qilishga botinolmay qolgan bir 

paytda Erkin Vohidov aruz janrida katta jasorat bilan insoniy tuyg‗ularni kuylagan, 

haqqoniy  tuyg‗ulardan  to‗lib  toshgan,  vazn  talablariga  mos  keladigan,  sof 

zamonaviy  o‗zbek  tilida  bitilgan  yetmishga  yaqin  g‗azalni  o‗z  ichiga  olgan 

―Yoshlik‖  devonini  e‘lon  qildi.  Shoir  devonidagi  g‗azallar  sodda  va  ravon, 

qo‗shiqdek  o‗qiladi.  Gazal  qahramonlari  nafaqat  oshiq  timsolida,  balki  ijtimoiy 

hayotga befarq qaray olmaydigan davr kishisi sifatida ham shakllangan 

Erkin Vohidov ijod cho‗qqisiga chiqish bilan birga insoniylik cho‗qqisini ham zabt 

etgan  inson  ekanligini  ko‗p  shoir-u,  yozuchilarimiz  o‗z  xotiralarida  ko‗p  bor 

ta`kidlab o‗tishgan. 

―Erkin  Vohidov  she`riyatida  adabiy  mavzular  xazinasiga  aniq  zamon  va 

makon kaliti orqali kirib boriladi. Xalqimz keyingi davrlar mobaynida bosib o‗tgan 

va  o‗tayotgan  goh  mashaqqatli,  goh  armonli,  goh  tug‗yonli,  goh  iftixorli 

yo‗llarining  manzara  va  ohanglari,  sadolari  Erkin  Vohidov  she`riyatida 

mujassamdir ‖. (Abdulla Oripov)  

Shoirlik bu shirin jondan kechmoqdir, 

Limmo-lim fidolik mayin ichmoqdir. 

O‗zni tomchi-tomchi va zarra-zarra, 

Elga qurbon qilib eng so‗nggi karra, 

Armon bilan demoq: ―Ey ona yurtim, 

Kechir, xizmatingni qilolmay o‗tdim. 

 ―Erkin  Vohidov  dilbar  rubobiy  taronalari,  asr  armoni,  fig‗oni  darajasiga 

ko‗tarilgan  dostonlari  qatori  g‗oyat  nozik  lutf,  beozor  qochirimlar,  ayni  paytda 

istehzo, kinoya-kesatiqlar, o‗tkir ijtimoiy pafos bilan yo‗g‗rilgan hajviyoti, Benazir 

tabassumi bilan ham elimiz uchun ardoqlidir‖. (Umarali Normatov) 

Qalbida  Vataniga bo‗lgan  muhabbati  cheksiz  bo‗lgan,  insonlarning  farovon 

hayotini har narsadan ustun ko‗radigan, shuningdek, muhabbat borasida dengizday 

qaysar,  ummondek  cheksiz,  tog‗lardek  ulug‗vor  bo‗lgan  insonni  o‗z  umrining 

qahramoni  deyish  mumkin.  Erkin  Vohidov  ham  shunday  insonlardan  edi  desak 

yanglishmagan  bo‗lamiz.  Mustaqillikka  erishib  o‗zligini,  o‗zbegini  yaratayotgan 

xalqimiz  esa  bunday  insonlarni  ulug‗laydi.  Erkin  Vohidovning  hayot  yo‗li, 

yaratgan asarlari va ulardagi yetakchi g‗oyalar har bir inson qalbida ezgu fikrlarga 

yondosh tarzda yashashiga ishonamiz.  

---

172 

 

Foydalanilgan adabiyotlar: 

1.  Mirziyoyev  Sh.M.  Milliy  taraqqiyot  yo‗limizni  qat‘iyat  bilan  davom 

ettirib, yangi bosqichga ko‗taramiz. – T.: O‗zbekiston, 2017. 

2. Yo‗ldashev Q. Maktabda Erkin Vohidov ijodini o‗rgatish. Til va adabiyot 

ta`limi. 2006 y. 6-son. 

3.  Uzluksiz  ta`lim  tizimini  kompetentsiyaviy  yondashuv  asosida 

takomillashtirish masalalari: muammo va yechimlar mavzusidagi respublika ilmiy-

amaliy konferentsiyasi materiallari. ‒ T.: 2016.