Zbekiston respublikasi oliy va o ‗ rta maxsus ta`lim vazirligi

BADIIY TALQINDA O„ZIGA XOS INDIVIDUALLIK 

Ijobat SAYMURATOVA,  

katta o„qituvchi (GulDU) 

 

 

Istiqlol  davri  o‗zbek  romanlari  yangi  o‗ziga  xos  yo‗nalishga  ega  ekanligi 

bilan  ahamiyatli.  Uning  ifoda  tarzi,  tasvir  ob‘ekti  jahonning  ilg‗or  an`analarini 

o‗zlashtirish  va  shu  bilan  birga  milliy  adabiyot  tajribalarini  uyg‗unlashtirilishi 

evaziga yangi usullar bilan boyimoqda. Ifodaning aniqligi, tasvirning serqatlamligi, 

shakl,  mazmun,  ruhiy  holat  manzaralarining  turfa  xilligi,  insonni  badiiy  tadqiq 

etishda  o‗ziga  xos  usullar  (bayon,  ifoda  etish,  ruhiy  holatni  tasvirlash, 

kompozitsiyadagi  noan`anaviylik)ning  birlamchi  ekanligi  bosh  masalaga 

aylanmoqda. 

 

Istiqlol  davri  o‗zbek  romanlarining  deyarli  barchasida  inson  va  jamiyatga 

doir  haqiqatlar  o‗ziga  xos  badiiy  talqini  bilan  e`tiborga  molikdir.  ―Aksariyat 

zamonaviy  milliy  romanlarda  qo‗yilgan  muammo  asarning  markazida  turuvchi 

sub‘ekt  (muallif)  hayotiy  tajribalari  asosida,  uning  qalb  prizmasidan  o‗tkazib, 

poetik  talqin  va  ekspressiv  bayon  qilinmoqda‖  [4,  71].  ―Bir  so‗z  bilan  aytganda, 

istiqlol  davri  o‗zbek  romanlari  ―kichik‖  odamning  katta  va  chigal  ichki 

dunyosidagi behudud poyonsizlikni, turfalikni xilma-xil rakurslarda tadqiq etishga 

kirishdi.  Inson  ma`naviyatining  serqirra  jihatlarini  tekshirish,  odam  ruhiyatidagi 

ko‗z  ilg‗amas  sezimlarni  tadqiq  etishga  urinishda  shakliy-uslubiy  izlanishlar  olib 

borayotgan  o‗zbek  nosirlarining  sezilarli  yutuqlari  ham,  bartaraf  qilinishi  lozim 

bo‗lgan  nuqsonlari  ham  ko‗zga  tashlanmoqda.  Bu  yo‗lda  turli  avlod  ijodkorlari 

o‗ziga xos yo‗sinda qalam tebratmoqdalar‖ [2, 26]. 

 

 

Xurshid  Do‗stmuhammadning  mustaqillik  yillarida  yaratilgan  ―Bozor‖ 

romani  ham  aynan  shu  yo‗sinda  yozilgan,  kompozitsion  qurilmasida 

noan`anaviylikni  o‗zida  taqozo  etadigan  milliy  romandir.  ―Yozuvchining  diqqat-

e`tibori  bozor  manzaralari  va  mojarolarining  bevosita  o‗zini  emas,  personaj  ongi, 

ruhiyatidagi  aks-sadosini  ifodalash,  badiiy  tahlil  etishga  qaratiladi,  bunda  ―ong 

oqimi‖ tajribalaridan ijodiy foydalanadi‖ [1, 2].

 

 

---

421 

 

 

Romanda jamiyat kayfiyatining inson ruhiyatiga ta`siri asar bosh qahramoni 

Fozilbek obrazi misolida talqin etiladi. Inson va jamiyatni anglash roman talqinida 

voqelik  mohiyatini  mantiqan  tafakkur  etish  orqali  kechadi.  Bozor  talqinining 

zamirida  hayot  haqiqati  va  manzaralari  tasvirlangan.  Fozilbek  bozor  va  hayot 

haqidagi  fozil  qarashlarini  ruhiyatida  kechadigan  o‗y-fikrlar,  xotiralar  dinamikasi 

orqali kitobxon ongiga singdiradi. Ruhiyatida kechadigan o‗y-xayollar va xotiralar 

bolaligidan  tortib  to  ulg‗ayganiga  qadar  kechgan  voqealar  silsilasini  o‗z  ichiga 

oladi.  U  bolaligi  bilan  bog‗liq  bo‗lgan  xotiralarni  juda  ko‗p  qo‗msaydi,  ayniqsa, 

onasi  va  Fotma  xolaning  kinachiligini,  xirgoyi  qilmasligini,  uni  bolasi  yo‗qligini 

yod  oladi.  ―Taqir  yerda  o‗tirgan  onasi,  onasi  emas  –  Fotma  xola  –  qanday  qilib 

Fotma  xola  bo‗lsin?!.  Meni  Fotma  xola  tuqqanida  edi,  onam  o‗lib  qolmasdilar, 

Fotma xolaning o‗g‗li bo‗lsam u qovog‗ini solmay, kulib yurardi deb o‗zicha ko‗o 

‗p xayol surar edi Fozilbek bolaligida, lekin... dunyodan er qilmay o‗tgan, shu bois 

farzand ko‗rmagan va shu bois qari barmoqlari ma‘suma qizlarnikidek silliqligicha 

qolgan kampir qanday qilib Fozilbekka ism qo‗yadi, qaydan kelib uning qulog‗iga 

niyatini  xirgoyi  qilib  quyadi,  bordiyu,  shu  ayol  Fotma  xola  bo‗lsa,  u  holda  onasi 

qani, onasi qayerda, Foziljonning?!‖ [3, 77]. 

 

Fozilbekning  o‗ylashga  odatlanishi  hayotda  fozillarcha  oqilona  yashashi, 

dunyoga  sermulohaza  bilan  olimona  qarashi,  o‗zligini  anglash  yo‗lidagi  sofdillik, 

uni  chinakam  inson  bo‗lishga  undaydi.  Uning  fikricha  odamiylikning  haqiqiy 

tuyg‗ulari,  tavba  va  tazarru  nihoyatda  muhim  bo‗lib,  inson  zotini  tozartirish, 

poklanish  va  komillik  sari  etaklaydi.  Shuning  uchun  ham  ruhiyatida  kechadigan 

bozor-dunyo  haqidagi  qarashlarini  bir-biri  bilan  uzviy  bog‗laydi.  Bozor 

qismatidagi nafsni, pul hasratini hayot misolida qiyos etadi.  

 

Bozor uchun faslning, har faslda ro‗y berayotgan tabiat hodisalarining hech 

qanday  ahamiyati  yo‗q.  Havo  qanday  bo‗lishidan  qat‘iy  nazar  bozorda  hayot 

qaynayveradi,  turli  xil  hodisalar  to‗lib  toshaveradi.  Insonlar  ham  shunga  qarab 

odimlaydi.  Hayotimiz  kechmishida  ham  fasllarning  hech  qanday  ahamiyati  yo‗q. 

Qor, yomg‗ir yog‗sa ham, yuqori tezlikda shamol, yuqori darajada issiq bo‗lsa ham 

hayot  o‗z  izmida  davom  etaveradi.  Zero,  odamzodda  har  faslga,  har  faslda  ro‗y 

berayotgan  tabiat  hodisalariga  ko‗nikish  hissi  bor.  Bozorda  turli  xil  voqea-

hodisalar  ko‗pda  tez-tez  sodir  bo‗lib  turadi.  Odamlar  og‗zidan  yoshi  kattani  yoki 

kichkinani  yo‗qolib  qolganini,  kimningdir  vafot  etganini,  yana  kimningdir 

qorinbog‗ini  qirqmoqchi  bo‗lgan  aravakashni  ot  tepib  majaqlaganini  va 

hokazolarni eshitadi.  

 

Haqiqatan  ham  hayot  go‗yoki  bozorga  o‗xshaydi.  Hayot  bozorning 

o‗zginasi.  Bozorda  turfa  xil  kishilarni,  turli  taqdir  egalarini  uchratasan,  ko‗rasan. 

Xilma-xil  voqealarning  guvohi  bo‗lasan.  Hayot  ham  xuddi  shunday.  Turli  xil 

kimsalar,  turfa  taqdirlar,  kimdir  shoshadi,  kimdir  oshiqadi.  Harakatingga,  fe‘l-

atvoringga  qarab,  hayot  o‗zining  munosib  marhamatini  ravo  ko‗radi.  Qosimbek 

bozorboshi  bozorni  emas,  aslida  o‗zining  oilasidagi  ijtimoiy  muhitni, 

farzandlarining taqdirini izga solmoqchi.  

 

Syujet  qismlari  bilan  tanishib  borish  holati,  kitobxonga  Fozilbek  va  uning 

atrofidagi qahramonlar xarakteri bilan bog‗liq bo‗lgan jihatlarni to‗la anglatadi. Pul 

---

422 

 

topish  niyatida  hamma  o‗zini  bozorga  yuradi.  Fozilbekning  otasi  bozorboshi, 

bobolari ham bozor orqasidan kun ko‗rgan. Biroq Fozilbek Qosimbek oqsoqolning 

―pul hasratida yashamaydigan bir dalli - devonasi‖ dir. ―Fozilbek uchun esa pul – 

boylik qanchalik begona bo‗lsa, uning evaziga saqlanadigan  o‗z  joni ham etti yot 

begonadek edi‖ [3, 104]. Fozilbek uchun hayot falsafasi shu. Biroq asar qahramoni 

Baxtish ezma (To‗rabek egarchining o‗rtanchasi) uchun ―hayot mutlaqo boshqa!‖. 

Uning fikricha ―Hayotni tutib turgan qonuniyat boshqa!‖ [3, 105]. 

 

Bozor  atrofida  qiroatxona  qad  ko‗targan.  Eskiligidan  sarg‗ish  tusga  kirib 

qolgan. ―O‗sha yerda mil-mil kitob zax, mog‗or bosib yotibdi. ...Shuncha izdihom 

orasida  qiroatxonaga  qadam  bosadigan  birorta  aqli  raso‖  [3,  109]  topilmaydi.  U 

nurab  qolgan,  eskiligidan  qulab  tushish  darajasiga  yetgan.  ―Uvalanib-uqalanib, 

arang  qad  rostlab‖  turgan  qiroatxona  ma`naviyatning,  ilmu-ziyoning  evaziga 

hamon yashab kelmoqda. ―Qiroatxonada yong‗in xavfi borligi chin‖  [3, 113] edi. 

Yonmadi  ham,  o‗pirilmadi  ham.  Biroq  ―Ro‗parasiga  dang‗illama  choyxona, 

soqqaxona, hammom, dang‗illama hojatxona qurishga pul topildi-yu, qiroatxonaga 

to‗rtta guvala topilmadi!‖ [3, 113]. 

 

Yozuvchi  tasvirida  Fozilbek  samimiyatga  yo‗g‗rilgan  inson.  U  nafaqat 

samimiy,  sof  niyatli,  balki  vijdoni  uyg‗oq,  o‗zgalar  manfaatini  o‗zidan-da  ustun 

qo‗yadigan,  dardmandlarga  dardkash  bo‗ladigan  kuyunchak  inson  ham. 

Fozilbekning yuqoridagi xislat fazilatlarning haqiqatan egasi ekanligini G‗ulomjon 

bilan  bo‗lib  o‗tgan  suhbatlardan  anglashimiz  mumkin.  Bu  asnoda  Fozilbek  bilan 

G‗ulomjon  dunyoga kelish va dunyodan ketish, tug‗ilish va  o‗lim,  har  ikkisining 

orasida bajariladigan amallar to‗g‗risida suhbat quradi. ―Yorug‗ dunyoning hikmati 

shu  –  kelish-ketish,  kelish-ketish  –  boshqa  gap  yo‗q,  neki  yaxshilik  va  yomonlik 

bo‗lsa, kelish-ketish orasida sarsonu-sargardon!.. Uylanmay. Bola-chaqa orttirmay 

ketish  esa  kelish  va  yashash  ne‘matiga  xiyonat.  Og‗ir  xiyonat!..‖  [3,  143). 

Yuqorida  zikr  etilgan  ―yorug‗  dunyoning  hikmati‖ni  G‗ulomjon  taqdiri  misolida 

ko‗radi.  U  to‗shakka  mixlangan,  dardi  ado  bo‗lmaydi.  Mehmonga  peshvoz  chiqa 

olmaydi,  inqillab-sinqillab  bosh  ko‗taradi,  goh-gohida  darddan  ingrab  yuboradi. 

Go‗yoki Fozilbekning xayolida u ―harakatdan so‗nyapti‖.  

 

Fozilbek  dunyo  va  bozor  o‗rtasidagi  o‗y-xayollarini,  insonlar  tomonidan 

bajariladigan  amallarni  dalillar  orqali,  zaruriy  qonunlar  asosida  isbotlaydi. 

―Tug‗ildingmi,  voyaga  etdingmi  –  kim  bilandir  qovushasan,  oila  qurish  uchun 

bozorga  borasan,  oila  boqish  uchun  o‗zingni  ne-ne  bozorlarga  solasan,  umr  shu 

tariqa kechaveradi, inson hayotining shu qadim va boqiy yo‗lini o‗zgartiraman deb 

ne-ne aqli botir donishmandlar bosh qotirmagan, shu maqsad  – shu niyatda ne-ne 

kulfatlarga  giriftor  bo‗lmagan,  mana,  shuuncha  savdoi  azimlar  yetmagandek 

Fozilbek  taqsirim  bir  umr  muhabbat-la  yashamoqlik  saodati  bilan  inson  hayotini 

bezamoqqa qasd qildilar‖ [3, 184]. Bozorni izga solish bilan bog‗liq bo‗lgan o‗y-

xayollarining  natijasida  quyidagi  qarorni  ruhan  qabul  qildi:  ―...  butun  bozorni 

muhabbatdan  o‗zga  hech  narsa  bezay  olmasligiga  imon  keltirdi‖  [3,  184]  Oxir-

oqibatda bozorga begona ekanligini tan oldi.  

 

Xulosa  qilib  aytganda,  yozuvchi  asardan  anglashilgan  mazmun-mohiyatni 

hayot  bilan  bog‗lagan.  Ijtimoiy  hayotga  bo‗lgan  o‗z  munosabatini  metaforik 

---

423 

 

usulda, majoziy yo‗l bilan ifodalashga erishgan. Jamiyat kayfiyatining inson ruhiga 

ta`sirini  ramziy-majoziy  uslubda  tahlil  etib,  roman  kompozitsiyasidagi  qahramon 

ruhiy  holatini  yorqin  tasvirlay  olgan.  Aniqroq  qilib  aytganda,  yozuvchi  o‗z 

ko‗zlagan maqsadiga to‗la erishgan. 

Foydalanilgan adabiyotlar: 

1.

 

www. adabiy.uz. Normatov U. Badiiyat ko‗zgusida millat taqdiri. 

2.

 

Pirnazarova  M.  Hozirgi  o‗zbek  romanlarida  uslubiy  izlanishlar,

 

fil.  fan. 

nomz. … diss. avtoref. – T.: – B. 26. 

3.

 

Xurshid  Do`stmuhammad.  Donishmand  Sizif.  –  T.:  O`zbekiston  NMIY, 

2016. – B. 360.  

4.

 

Yakubov I. Mustaqillik davri o`zbek romanlari poetikasi.  fil. fan. nomz. … 

diss. avtoref. – T.: 2018. – B. 71.