¤збекистон республикаси олий ва

Маҳсулотларни ишлаб чиқариш уч босқични ўз ичига олади:

• 
  ишлаб чиқаришга қўйиш;
  
• 
  ишлаб чиқаришга йўл бериш;
  
• 
  ишлаб чикаришдан олиб ташлаш.
  

Ишлаб чиқаришга қўйиш ишлаб чиқаришга тайёрлаш ва ўзлаштиришни ўз ичига олади.

Ишлаб чикаришга тайёрлаш маҳсулотларнинг технологик жараёнини таъминлаш ва тайёрлаш харакатларини кўзда тутади.
Ишлаб чиқаришни ўзлаштиришда қайта ишлаш ва тайёрланган технологик жараённи текшириш, шу каби муқим аҳамиятга эга бўлган кўрсаткичларни ўрганиш амалга оширилади.
Ишлаб чиқаришни серияли (кўплаб) ишлаб чиқаришга тайёрлигини тасдиқлаш учун маҳсулот ишлаб чиқарувчи директив серия (биринчи саноат партияси) намунасининг квалификацион синовини ўтказади.


1.9. расм. Лойиҳалаштириш жараёнининг схемаси
Синов маҳсулотнинг асосий параметридан четга чиқиш, ишлаб чиқаришнинг технология билан боғлиқлиги, руҳсат этилган доирага кирмайдиган маҳсулотнинг камчилигини эса қабул қилиш комиссияси очиқ кўрсатиб, бартараф қилинишини тасдиқлаши керак. Квалификацион синов ижобий натижа берса ишлаб чиқаришни ўзлаштириш якунланган ҳисобланади, ишлаб чиқарилган маҳсулот эса харидорга (буюртмачига) берилиши мумкин.
Директив ишлаб чиқариш – маҳсулотларни тўлиқ ишлаб чиқилган конструкторлик ва технологик ҳужжатлар асосида ишлаб чиқаришдир.
Маҳсулотларни ишлаб чиқаришдан олиб ташлаш – маҳсулотларнинг саноат ишлаб чиқарилишини тўҳтатиш тадбирлари мажмуидир.
Маҳсулотларни ишлаб чиқаришни тўхтатиш қуйидаги холларда амалга оширилади: замонавий талабларга мос келмаса; юқори кўрсаткичларга эга бўлган янги маҳсулотларнинг яратилишида; эксплуатация ёки эҳтиёж хусусиятлари камайганда, одамлар соғлигига ва атроф муҳит холатига ёмон таъсир қилади деб айтилганда.
Муомала ва сотиш – маҳсулотни ишлаб чиқарувчи корхона томонидан юклатилгандан то истеъмолчи олгунига қадар бўлган ҳаёт циклининг бир қисмидир. Муомала босқичида тайёр маҳсу-лотнинг режа топшириқларида, норматив ҳужжатларда, ортиш, ташиш, сақлаш ва сотишга тайёрлашда ўрнатилган сифати ва ҳажмининг максимал даражада сақланиши таъминланиши лозим.