Ўзбекистон республикаси олий ва ўрта маxсус таълим вазирлиги

Пахта толасининг кимёвий таркиби - пахта толасинин гтаркиби мураккаб бирикма бўлиб, юқори молекулали боғламга эга. Молекуляр оғирлиги миллионгача. Садово маълумотларига қараганда пахта толасининг таркиби қуйидагича:

Тола	Целюлоза	вокёкиёғ	Азотлимоддалар	кул	Ўрганилмаган қисми	Кислоталар
Пахта	94,5	1,2	0.3-0,6	0,4	1,36	2,24

Баъзи бир пахта толасидаги кимёвий моддалар ҳали тўлиқ ўрганилганича
йўқ. Пахта толаси тоза ҳолатда 98,5 % гачацелюлозадан иборатдир. Шунин гучун ҳам пахта толасининг асосий қисми целюлоза ҳисобланади.
Пахта толасининг технологик хусусиятлари. Пахта толасини қайта ишлашда ва тўқимачилик саноатида фойдаланишда унинг технологик хусусиятлари муҳим ўринни эгаллайди.
Толанинг технологик қиммати унинг бир қатор хусусиятларининг мажмуаси бўлиб, улардан асосийлари геометрик, механик ва физик-кимёвий хоссалари ҳисобланади.
Толанинг узунлиги ва кўндаланг кесим ўлчамлари унинг геометрик хоссаларини, пишиқлиги, эластиклиги ва бошқалар механик хоссаларини, иссиқликка чидамлилиги, нам ўтказиш ва бир қатор кимёвий моддаларга муносабати унинг физик-кимёвий хоссаларини билдиради.
Пахта толасининг технологик хусусиятларидан унинг узунлиги, ингичкалиги, пишиқлиги, буралувчанлиги, эластиклиги, узилиш узунлиги ва етилиши саноат ҳамда ишлаб чиқариш аҳамиятига эга.