Ўзбекистон республикаси олий ва ўрта махсус таълим вазирлиги ўзбекистон республикаси қишлоқ ва сув хўжалиги

Таянч иборалар: 
 
Баҳо, баҳонинг вазифалари, ўлчов, режалаштириш, тартибга солиш, 
тақсимот, назорат, рағбатлантириш, ижтимоий, баҳолар тизими, эркин, 
бошқариладиган, улгуржи, чакана, таққослама, харид. 
Саволлар 
1.Баҳо деб нимага айтилади. 
2.Баҳонинг вазифалари нималардан иборат 
3.Баҳонинг турларини айтинг
4.Баҳо нима асосда шаклланади. 
5.Бозор иқтисодиёти шароитида баҳога таъсир қилувчи омиллар 
 
 

---

270 
ЎСИМЛИКЧИЛИК ВА ЧОРВАЧИЛИК ТАРМОҚЛАРИ 
САМАРАДОРЛИГИНИ ОШИРИШ ИМКОНИЯТЛАРИ 
Маълумки, қишлоқ хўжалиги иқтисодиёти ўсимликчилик ва 
чорвачилик тармоқлари иқтисодиётидан ташкил топади. Барча қишлоқ 
хўжалиги корхоналарида иккала тармоқни қўшиб олиб бориш объектив 
заруриятдир. Натижада, мавжуд меҳнат, ер, сув бошқа ресурслар 
потенциалидан, 
тармоқларнинг 
асосий, 
қўшимча 
ва 
қолдиқ 
маҳсулотларидан самарали фойдаланиш учун оптимал шароит яратилади, 
уларнинг турли даражада йўқотишлари кескин камаяди. 
Ўсимликчилик ва чорвачилик тармоқларининг хусусиятларини 
ҳисобга олган ҳолда уларни қўшиб олиб бориш айрим маҳсулотларга 
истеъмолчилар талабларининг ташкил топишига хамда уларнинг ишлаб 
чиқариш учун иқтисодий ва табиий шароитларнинг мавжудлигига 
боғлиқ. Одатда, айрим мамлакат ва жаҳон халқларининг турмуш 
даражаси юқори бўлса, чорвачилик маҳсулотларига талаб ошади, аксинча 
ўсимликчилик маҳсулотларига пасаяди. 
Иккала тармоқнинг маҳсулотларига бўлган талаб айрим халқларнинг 
урф-одатларига ҳам боғлиқ. Масалан, Ҳиндистонда чорвачилик 
молларига диний ақидаларнинг сақланиши натижасида жон бошига гўшт 
маҳсулотларини истеъмол қилиш меъёри жаҳон халқлари ўртача 
истеъмолига нисбатан 5-6 марта камдир. 
Яна бир мисол, Австралия мамлакатида чорвачилик тармоқларини 
ривожлантириш учун қулай шароит мавжудлиги туфайли жон бошига 
гўшт маҳсулотларини истеъмол қилиш меъёри жаҳон халқлари ўртача 
истеъмолига нисбатан 5-6 марта кўпдир. 
Демак, ўсимликчилик ва чорвачилик тармоқларини қўшиб олиб 
бориш комплекс шароитларнинг мавжудлиги ва улардан фойдаланиш 
даражаси билан бевосита боғлиқ.