Ўзбекистон республикаси олий ва ўрта махсус таълим вазирлиги ўзбекистон республикаси транспорт вазирлиги тошкент давлат транспорт университети

VII. ТАҲРИР

7.1. Таҳрир - қўлёзманинг ғоявий, илмий ва техник моҳиятини яхшилаш, матн мазмуни меъёрий ҳужжатлар қоидаларига мувофиқлигини текшириш, камчиликларни бартараф этиш ва таҳририй-техник вазифаларни амалга ошириш жараёнидаги муҳаррир ва муаллифнинг ижодий фаолияти натижасидир.

Таҳрирда штатдаги муҳаррирдан ташқари, махсус илмий муҳаррирлар, ушбу билим соҳаси мутахассислари ҳам иштирок этишлари мумкин. Зарурият бўлганда университет раҳбарияти Таҳририй нашриёт ва полиграфия бўлими таклифига биноан соҳанинг етакчи мутахассисларидан ташкил топган таҳририят жамоасини тайинлайди.
Муҳаррирнинг асосий вазифаси - қўлёзма мазмуни, тили, услуби, таркиби ва ҳажмини такомиллаштириш. У муаллифга далиллар келтиришни, фикрлаш жараёнини ва таркибий қисмларнинг тузилишини тузатишга ёрдам беради.
Муҳаррир муаллиф матнига эҳтиёткорлик билан муносабатда бўлиши ва баён қилинган фикрларнинг моҳиятини сақлаб қолишга интилиши лозим.
7.2. Муҳаррир томонидан қўлёзмага киритилган ўзгартиришларни муаллиф ва илмий муҳаррир тасдиқлаши лозим. Қўлёзмани ўқиш давомида аниқланган далилий, мазмуний ва услубий хатолар ёки ноаниқликлар муаллиф билан келишилган ҳолда муҳаррир томонидан тузатилади. Муҳаррир қўлёзмани текшириб бўлганидан сўнг унинг охириги бетига имзо қўйиб, исми-шарифининг бош ҳарфларини варақнинг қуйи бурчагига ёзиб қўяди.
Керакли тузатишлар киритилгандан сўнг қўлёзма муаллифнинг таҳрир қилинган нусхаси билан таққосланиши ва нашрга тайёрланиши лозим.
7.3. Чоп этишга тайёрланган якуний қўлёзма нусхаси ўқув ишлари бўйича проректор ҳамда бўлим бошлиғи томонидан имзоланади ва унинг электрон кўриниши нашрга юборилади.
7.4. Қўлёзманинг якуний электрон варианти муаллиф томонидан университетнинг Ахборот-ресурс марказига жойлаштирилиши мажбурий ҳисобланади.
7.5. Дарсликлар, ўқув қўлланмалар, монографиялар, илмий ишлар тўпламлари университет Кенгаши томонидан нашрга тавсия этилади.


VIII. НАШРИЁТ ЖАРАЁНИГА ЖАЛБ ЭТИЛГАН МУАЛЛИФЛАР,
МУҲАРРИРЛАР, ТАҚРИЗЧИЛАР ВА БОШҚА ШАХСЛАР МЕҲНАТИГА ҲАҚ ТЎЛАШ


8.1. Меҳнат шартномасига биноан ишга жалб этилган мутахассислар (титул муҳаррирлари, тақризчилар, махсус ва бадиий муҳаррирлар, рассомлар) учун тўланадиган иш ҳақи ставкалари ва муаллифлик гонорарлари фан, адабиёт ва санъат асарлари учун муаллифлик мукофотлари ставкаларини тартибга солувчи Ўзбекистон Республикасининг амалдаги қонунчилигига мувофиқ университет ректори томонидан белгиланади.