Ўзбекистон республикаси олий ва ўрта махсус таълим вазирлиги ўзбекистон республикаси транспорт вазирлиги тошкент давлат транспорт университети

Қўлёзма билан бирга қуйидаги ҳужжатлар тақдим этилади:
- нашр этиш учун тавсиянома билан бирга кафедра йиғилиши баённомасининг нусхаси;
- қўлёзмага берилган ёзма тақризлар;
- тақриз берилган ва муҳокамадан ўтган қўлёзманинг қайта кўриб чиқилганлик даражаси ва хусусиятлари акс этган ҳамда кафедра мудири билан келишилган муаллифлик маълумотномаси;
- факультет Илмий-услубий комиссияси йиғилишининг баённомасидан кўчирма;
- университет Илмий-услубий кенгашининг ўқув адабиётини чоп этиш тўғрисидаги қарори;
- қўлёзманинг электрон кўриниши.
3.11. Университет профессор-ўқитувчилари, докторантлари, изланувчиларининг илмий изланишлар натижаларини чоп этиш мақсадида илмий ишлар тўпламлари нашр этилади. Тўпламлар университет илмий- тадқиқот ва илмий педагогик кадрлар тайёрлаш бўлими томонидан нашрга тайёрланади. Масъул муҳаррир томонидан имзоланган илмий ишлар тўпламининг қўлёзмаси электрон кўринишда Таҳририй нашриёт ва полиграфия бўлимига тақдим этилади.
3.12. Илмий ишлар тўпламлари ягона шаклланиш тамойилларига, аниқ номларга эга бўлиши ва даврий бўлмаган нашрлар сифатида чоп этилиши лозим. Мақолалар сарлавҳалари тўплам мавзусини аниқ ва қисқача очиб бериши зарур.
3.13. Тўпламни нашрга тайёрлаш учун таҳририят кенгаши тузилади. Унинг таркибига масъул муҳаррир, тўплам мавзуси бўйича етакчи илмий мутахассислар, котиб ва таҳрир ҳайъати аъзолари киритилади.
3.14. Таҳририят жамоаси:
- тўпламни йиғиш учун илмий ва ташкилий раҳбарликни амалга оширади, нашр этилган материалларнинг илмий даражаси учун муаллифлар билан бир қаторда масъул ҳисобланади, уларнинг илмий таҳририни таъминлайди;
- мақолалар қўлёзмаларини ва тўлиқ тўпламни кўриб чиқади;
- тўплам материалларини Таҳририй нашриёт ва полиграфия бўлимига тақдим этади.
3.15. Ўқув адабиётлари муаллифларнинг ташаббуси билан ҳам тақдим этилиши мумкин. Ўз ташаббуси билан қўлёзмалар таклиф қилган муаллифлар билан дастлабки ишлар бўлим раҳбари ёки муҳаррири томонидан амалга оширилади. Улар қўлёзмани ўрганадилар ва баҳолайдилар, унга қўйиладиган талабларни, муаллифнинг ҳуқуқларини белгилайдилар, шунингдек олинган қўлёзманинг меъёрий ҳужжатлар ва нашрга оид талабларга мувофиқлигини текширадилар. Университет Кенгаши ва Илмий-услубий кенгаш аъзолари қўлёзмани ёки қўлёзманинг алоҳида бобларини баҳолашда иштирок этишлари мумкин.
3.16. Кўриб чиқиш жараёнида қўлёзманинг тузилиши, асосий йўналиши (назарий ёки амалий), нашр учун мўлжалланган ўқувчилар таркиби, муаллиф ишининг илгари чоп этилган ёки шунга ўхшаш мавзу бўйича нашр этилган ишлар ўртасидаги фарқи, ишнинг ўқув жараёни, фан, амалий фаолиятга қўшадиган ижобий натижалари аниқланади.
Қўлёзма ёки унинг режа-проспектини дастлабки кўриб чиқиш муддати университетнинг Таҳририй нашриёт ва полиграфия бўлимига келиб тушган кундан бошлаб 2 ойдан ошмаслиги лозим. Шу вақт ичида бўлим муаллифга унинг таклифини қабул қилиши, ўрганишни давом эттириши ёки рад этиши тўғрисида хабар беради.
3.17. Университет Таҳририй нашриёт ва полиграфия бўлими муаллифнинг муаллифлик имкониятлари билан таниш бўлмаган ҳолатда унга нашрнинг бир бобини ёки қисмини тақдим этишини таклиф қилиш ҳуқуқига эга.