Ўзбeкистон рeспубликаси олий ва ўрта махсус таълим вазирлиги

Ташхислаш. 
Постгеморрагик камқонлик ташхиси мумкин бўлган сабабларни, 
клиник кўринишларни ва лаборатория маълумотларини аниқлашга 
асосланган. 
Туғилганда барча болаларга УҚТ кўрсатилган. Камқонлик бўйича хавф 
гуруҳидаги янги туғилган чақалоқларда 1-куни УҚТни амалга ошириши 2 
мартадан кам бўлмаслиги керак 
Кўрсатмаларга биноан бош мия ва ички аъзоларнинг УТТ ўтказилади. 
Фетоона трансфузияси ташхиси онанинг қон оқимида ҳомила Эр 
ларини аниқлашга ва ҳомила Hb миқдорининг ошганлигига асосланади, улар 
қуйидагилар ѐрдамида аниқланади: 

---

154 
а) Клейнхауер-Бетке тести, фетал Hb нинг ишқорий резистентлиги 
феноменига асосланган; 
б) F-ҳужайралар, яъни фетал Hb ни тутган ҳужайраларни иммунфлюросцент 
таҳлил услуби. 
Агар она Эр ларининг 1% фетал бўлса, унда ҳомиладаги қон 
йўқотилиш даражаси 5-10 мл ни ташкил қилади (янги туғилган чақалоқларда 
максимал даражада мумкин бўлган ҳажм). 
Фето-фетал трансфузия туғилганда ташхисланади: эгизак-донор вазни 
реципиентга қарагана кам, улардаги Hb концентрациясидаги фарқ 50 г/л дан 
ортиқ, донор камқонликнинг клиник ва лаборатор, реципиент эса 
полицитемия белгиларига эга. 
ҚУТ да микроцитлар ва гипохром Эр лар аниқланиши сурункали қон 
йўқотиш ҳақида далолат беради, нормоцитлар ѐки нормохром Эр 
аниқланиши – ўткир қон йўқотиш белгиларидир. 
Дифференциал ташхисот ЧГК (она ва бола қонининг резус ѐки гуруҳ 
бўйича мос келмаслиги, эритробластоз, Кумбснинг мусбат синамаси, 
туғилгандан кейинги кучайиб борувчи камқонлик), сепсис ва ҚИИ даги 
камқонлик (асосий касалликнинг симптомлар мажмуаси), гипо-, апластик 
камқонлик (кейинчалик пайдо бўлади, регенерация белгилари – 
ретикулоцитлар, нормобластлар йўқ), асфиксия (кислород берилганда тери 
пушти рангга киради) билан амалга оширилади.