Ўзбeкистон рeспубликаси олий ва ўрта махсус таълим вазирлиги

Киндик шакллари. 
Катарал омфалит (нам киндик) киндик ярасининг узоқ муддат (2-3 
ҳафтадан кўпроқ) битиши билан тавсифланади. Ярадан кам сероз ажралма 
чиыади, у пўстлоқча ҳосил қилади. Баъзи ҳолларда енгил гиперемия ва 
киндик ҳалқасининг енгил инфилтрацияси қайд этилади. Киндик 
томирларини пайпаслаб бўлмайди. Янги туғилган чақалоқларнинг умумий 
ҳолати ўзгармаган. Маҳаллий даволаш киндик ярачасини кунига 3-4 марта 
3% ли водород пероксид эритмаси билан, сўнгра бриллиант кўкининг 2% ли 
спиртли эритмаси билан калий перманганатнинг 5% ли эритмаси билан қайта 

---

296 
ишлашдан иборат. Киндикни ултрабинафша нурлантириш кўрсатилган. 
Бацитрацинли ва полимиксинли малҳам қўйиш мумкин. Киндик ярачасининг 
узоқ вақт намлиги киндик оқмаси борлигига шубҳа туғдиради. 
Омфалит – киндик ярачаси тубининг, киндик ҳалқасининг, киндик қон 
томирларининг бактериал яллиғланиши. Касаллик одатда эрта неонатал 
даврнинг охирида, кўпинча катарал омфалит белгилари билан бошланади. 
Бир неча кундан кейин киндик ярачасидан йирингли ажралма, киндик 
ҳалқасининг шиши ва гиперемияси, киндик атрофидаги тери ости ѐғ 
клетчаткасининг инфилтрацияси пайдо бўлади, бунинг натижасида киндик 
қорин олд девори юзасидан бўртиб чиқиб туради. Киндик атрофидаги тери 
гиперемияланган, пайпасланганда иссиқ, қорин олд деворининг томирлари 
кенгайиши, лимфангиит қўшилиши билан боғлиқ қизил чизиқлар хос, 
пайпаслаганда киндик томирлари – вена ва артериялар шикастланиш 
белгилари (тромбофлебит, тромбартерит) аниқланади. Киндик венасининг 
тромбофлебитида думалоқ тортилма киндик устидаги қориннинг ўрта чизиғи 
бўйлаб, тромбартериитда – иккала томонда: киндикдан пастда ва ѐн 
томонларда пайпасланади. Боланинг аҳволи ѐмонлашади, у бўшашган бўлиб 
қолади, кўкракни ѐмон сўради, қусади, тана вазнининг ўсиши секинлашади. 
Тана ҳарорати кўтарилган, баъзида фебрил рақамларгача. Ўз вақтида 
бошланган комплекс давода башорат ижобий, аммо инфекциянинг 
метастатик ўчоқлари пайдо бўлиши ва жараѐннинг генерализацияси юзага 
келиши мумкин. 
Киндик ярачаси ва киндик қолдиғи касалликлари бор болаларни 
даволаш янги туғилган болалар касалхоналарининг патология бўлимларида 
қуйидаги тамойилларга мувофиқ амалга оширилади: 
– антибактериал даволаш – мажбурий, ва кенг спектрли дори препаратлари 
тайинланиши билан амалга оширилади; 
– инфузион терапия – оғир интоксикация, тана вазнининг катта 
йўқотилишларида кўрсатилган; 

---

297 
– эубиотикларни қўллаш – антибактериал терапия шароитида бажарилади; 
– иммунотерапия курси (стафилококкли этиологияда – стафилококкга қарши 
иммуноглобулин); 
– физиотерапия – киндик ярчаасига СВЧ тавсия қилинади; 
– маҳаллий даволаш – худди катарал омфалитдагидек амалга оширилади. 

---

298