Ўзбeкистон рeспубликаси олий ва ўрта махсус таълим вазирлиги

Антикоагуляция механизмлари.
Гемостазнинг зарур механизмидан бири бўлиб қон ивишини 
ингибирлаш жараѐни ҳисобланади. Физиологик антикоагулянтлар қонни 
суюқ ҳолатда ушлаб туради ва тромб ҳосил бўлиш жараѐнини чеклайди. 
Табиий қон ивиш ингибиторларининг 2 гуруҳи мавжуд: 
– бирламчи, ивиш олди; 
– иккиламчи, қон ивиш жараѐнида ҳосил бўладиган. 
Бирламичга тааллуқли: 
– антитромбин III (α2-глобулин) – унинг улушига барча зардоб 
антикоагулянт фаоллигининг 75% тўғри келади; 
– гепарин – антитромбин III билан комплекс ҳосил қилади ва уни билвосита 
антикоагулянтга айлантиради. Антитромбин III бўлмаса гепарин қон 
қуйқаларига таъсир қилмайди; 
– C ва S оқсиллар (витамин-К га боғлиқ) – VIII ва V ивиш омиллари 
фаоллигини камайтиради. 
Иккиламчи гуруҳга «ишлатилган» ивиш омиллари кўринишидаги 
қўшимча антикоагулянтлар киради: 
– фибрин иплари – қон тромбининг 85 – 90% ни адсорбциялаш қобилиятига 
эга (шаклланаѐтган қуйқада тромбинни концентрациялайди ва унинг қон 
оқими бўйлаб тарқалишини олдини олади); 
– фибриноген молекулаларининг тромбин таъсирига тушмаслигини 
таъминловчи фибринолиз маҳсулотлари. 
Фибринолиз – бу фибрин ва фибриногеннинг майда бўлакларга 
бўлиниши билан боғлиқ бўлган қон қуйқасининг парчалаиш (лизис) жараѐни. 
Фибринолизнинг энг муҳим вазифаси – тромблар билан тиқилиб қолган 
томир бўшлиғини тиклаш. Қон қуйқасининг парчаланиши ферментлар 
тизими (плазмин, фибриноген, V, VII, ХII ивиш омиллари, протромбин) 
томонидан амалга оширилади. 

---

164 
ФПТВ (ФҚТВ) – фаоллашган парциал тромбопластин вақти. Ички йўл 
билан бошланганда рекалцифицирланган зардоб ивиш жараѐнини аниқлайди. 
Унинг кўрсаткичи бутунлай зардоб омилларининг етишмаслигига боғлиқ. 
Протромбин тести – ташқи йўл билан бошланган қон ивиш жараѐнини 
тавсифлайди. 
Тромбин тести – стандарт тромбин миқдори таъсири остида цитратли 
зардоб коагуляцияси вақти бўйича ивишнинг якуний босқичини баҳолайди. 
Кўрсаткич дисфибриногенемия, ФДМ даражасининг ошиши, гепарин 
киритилиши билан бузилади. 
ПТИ – нормал зардоб суюлтириш эгрилиги билан ѐки меъѐрда 
протромбин вақтининг бемор протромбин вақтига нисбатини 100% га 
кўпайтириш орқали аниқланади. 
ХМН – беморнинг протромбин вақтининг меъѐрдаги протромбин 
вақтига нисбатини аниқлаб берадиган халқаро меъѐрлаштирилган нисбат.