Ўзбeкистон рeспубликаси олий ва ўрта махсус таълим вазирлиги

Янги туғилган чақалоқнинг геморрагик касаллиги. 
Чақалоқнинг геморрагик касаллиги (ЧГрК) – бу витамин К 
етишмаслиги билан боғлиқ ва қон ивиш тизимидаги ўзгаришлар билан бирга 
келадиган касаллик. Синоними – витамин К га боғлиқ геморрагик синдром. 
Учраш тезлиги. 
Янги туғилган чақалоқларда витамин Кга боғлиқ бўлган омилларнинг 
етишмаслиги субклиник тарзда кечади ва қон кетишига олиб келмайди. 
Витамин К билан профилактика амалга оширилмаса ЧГрК 25-1,5% янги 
туғилганларда кузатилади; витамин К билан профилактика кенг тарқалган 
мамлакатларда – 0,01%. 
Этиологияси.
Витамин К инсон танасига ўсимлик озиқ-овқатлари билан киради 
(Витамин-К-филлохолин) ва ичакларда микрофлора томонидан синтезланади 
К витамини (витамин-К2-менахинон). Катталарда менахинон ичакларда 
деярли сўрилмайди, чақалоқларда эса яхши сўрилади. Ҳомиладор аѐл 
организмидан витамин К йўлдош орқали жуда ѐмон ўтади. Эрта неонатал 
даврда ичак биоценозининг транзитор хусусиятлари К2 витамини 
синтезининг паст фаоллигини ва ҳаѐтнинг 2-4-кунлари энг ифодаланган 
витамин К-га боғлиқ қон ивиш омилларининг етишмаслиги келиб чиқишига 
сабабчи бўлади. Бундан ташқари, бугунги кунда ушбу касалликнинг 
ривожланишида муҳим омил бўлиб функционал тромбостения, қон томир 
девори ўтказувчанлигининг юқорилиги, витамин К га боғлиқ C, S оқсиллари 
антикоагулянт фаоллиги ва антитромбин III пасайиши ҳисобланади. 
Мойиллик омиллари: 

---

167 
– она томонидан билвосита таъсирга эга антикоагулянтларни, аспиринни, 
талвасага қарши препаратларни, кенг таъсир спектрига эга антибиотикларни 
катта дозаларини қўллаши; 
– ҳомиладорларнинг токсикозлари, айниқса эстрогеннинг паст синтези 
шароитида; 
– ичакда витамин К сўрилиини бузадиган онадаги касалликлар (дисбиоз, 
гепатит, энтеропатия); 
– янги туғилган чақалоқдаги полицитемия; 
– янги туғилган чақалоқларни кенг таъсир спектрига эга антибиотикларни 
тайинлаш; 
– туғруқ пайтида оғир асфиксия; 
– туғруқдаги шикастланишлар; 
– янги туғилган чақалоқнинг энтеропатияси. 
ЧГрК ривожланиш тезлиги қуйидагиларга боғлиқ. 
– кўкракка биринчи марта қўйилгандан бошлаб (бола туғилгандан кейинги 
биринчи 0,5-2 соат ичида овқатлантириш ЧГрК хавфини камайтиради); 
– овқатлантириш тури (мослаштирилган аралашмада витамин К кўпроқ 
бўлишига қарамай,сунъий овқатлантиришда тезроқ; кўкрак сути геморрагик 
кўринишларни олдини оладиган тромбопластинни тутади, 1 литр кўкрак 
сутида 2-3 мкг витамин К мавжудлиги аниқланган; янги туғилган 
чақалоқнинг витамин Кга бўлган кундалик эҳтиѐжи 1 мкг/кг); 
– киндикни қисиш мудати ва йўлдош орқали трансфузия ҳажми (киндикни 
кеч қисишда ва йўлдош трансфузияси ҳажми ошишидв кам учрайди).