¤збекистон республикаси олий ва ¤рта махсус таълим вазирлиги

6.1.«ДИҚҚАТНИНГ БЎЛИНИШИНИ БАҲОЛАШ»

Бу методикани ўтказиш учун Ландольт халқалари керак бўлади. Энди болага юқоридаги методикадаги каби ҳаммасини эмас, балки икки хил типдаги ҳалқаларни икки хил усул билан белгилаш топшириғи берилади.(7-илова).

Натижалар таҳлили юқоридаги методикадаги сингари амалга оширилади.

2. 
   «ДИҚҚАТНИНГ КЎЧИШИНИ БАҲОЛАШ»
   

Бу методикани ўтказиш учун Ландольт ҳалқалари керак бўлади.

Болага қуйидаги кўрсатма берилади. «1 минут оралиғида фақат бир типдаги ҳалқаларни, иккинчи вақт оралиғида иккинчи хил типдаги ҳалқаларни, белгилаб боришингиз керак». Шу ҳолат 3-4-5чи вақт оралиғида ҳам такрорланади. Натижалар юқоридаги методикадаги каби таҳлил қилинади. (7-илова).


6.3. «ДИҚҚАТ ҲАЖМИНИ АНИҚЛАШ»

Кичик мактаб ёши ва ундан катта ёшдаги ўқувчилар диққатининг ҳажми мактабгача тарбия ёшидаги болаларга қўлланган методика асосида аниқланади. Бу методиканинг моҳияти шундан иборатки, унда болага 1-2 секунд давомида 8 та карточка навбатма-навбат кўрсатилади. Текширилувчи бу расмдаги предметларни эслаб қолиб, нималар тасвирланганини айтиши зарур.

Бола диққатининг ҳажми 10 баллик тизимда баҳоланади.

10 балл - диққатнинг ҳажми 6 бирлик ва ундан юқори.

8-9 балл - диққатнинг ҳажми 4-5 бирликни ташкил этади.
4-7 балл - диққат ҳажми 2-3 бирликни ўз ичига олади.
0-3 балл - диққат ҳажми 2 бирликдан кам бўлса.
10 балл - тўплаган болалар нафақат мактаб таълимига тўла тайёр, балки тенгдошларидан анча илгарилаб кетган.
8-9 балл - бола мактаб таълимига тўла тайёр, лекин 3-4 синф ўқувчилари учун нормадан бироз паст ҳисобланади.
4-5 балл - мактабга энди бораётган бола учун бу кўрсаткич қониқарли, лекин мактаб ўқувчиси учун жуда паст.
0-3 балл - бу кўрсаткич мактабгача ва кичик мактаб ёшидаги болалар учун етарли даражада, яхши ривожланмаган диққатнинг ҳажмига эга. Бундай болалар мактаб таълимига тайёр эмас.