Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Редиска. Ўзбекистонда ҳимояланган ерлардаги барча иншоотларда редиска кўпроқ эрта баҳорда зичловчи экин сифатида етиштирилади. Редиска кўкат экинларга нисбаган ёруғликка талабчанроқ ва юқори ҳароратни хоҳламайди. Шу туфайли, редиска кузги-қишки муддатда етиштирилади. Унинг «Сакса», «Круглий красний», «Эртапишар» сингари эртапишар, шунингдек, «Заря», «Тепличний» ва «Красиий Великан» навлари бор.
Қишки иссиқхоналарда редискани зичловчи экин сифатида бодринг ёки помидор ораларига экиш мумкин. Асосий экинни экишдан 6-8 кун олдин жўякнинг икки томонига 4-6 қатор қилиб лента шаклида экилади. Редискани кўчат яшикларида, ёруғ йўлакларда ҳам етиштириш мумкин. Экиш чуқурлиги 0,5-2 см бўлиб, қўлда ёки сеялкада 1 м² га 3-4 г уруғ сепилади. Бунда озиқ майдони 5×5 см бўлади. Униб чиққач, ягана қилинади.
Редискани етиштириш даврида икки марта озиқлантирилади. Биринчиси униб чиққандан сўнг икки ҳафта ўтгач берилади. Бунда гўнг (1:6 нисбатда сув билан аралаштирилгани) 15 г суперфосфат ва 10 г калий тузининг 10 л эритмаси билан қўшиб солинади. Иккинчи ўғитлаш биринчисидан бир ҳафтадан кейин ўтказилади. Бунда 40 г аммакли селитра, 20 г суперфосфат, 15 г калий тузи 10 л сувда эритилади, 1 м² майдонга 6-7 л эритма қуйилади.
Қишда маҳсулот уруғ униб чиққандан сўнг 32-35 кун, эрга баҳорда 25-28 кун ўтгач йиғиштирилади, 1 м² иссиқхона майдонидан 2-3 кг редиска йиғиштириб олинади.
7.4. Ҳимояланган ерларда карам, қалампир ва полиз экинларини етиштириш технологияси
Турли минтақаларда ва ҳимояланган иншоотларда карамни ка-рамсимонлар оиласига кирувчи турли хиллари етиштирилади: гул карам, брюква, оқ бошли карам, колраби (шолғом карам) ва пекин карамлари.
Ўзбекистон шароитида юқорида келтирилганларидан оқ бошли карам кенг тарқалган, ҳозирги вақтда гул карамдан ҳам барвақт маҳсулот олиш учун етиштирилмоқда.
Гул карамни ҳимояланган ерларда кўчат билан тахминан феврал ойида экилади. Бунда «Снежинка», «Отечественная», «Гудман Ғ₁» навлари экилади.