Ўзбекистон республикаси олий ва ўрта махсус таълим вазирлиги тошкент кимё – технология институти

Назорат саволлари

1. 
   Нима учун уч ва тўрт аъзоли гетероцикллар нисбатан беқарор бўлади?
   
2. 
   Беш ва олти аъзоли гетероциклли бирикмаларнинг “ароматиклик” хоссага эга бўлиш сабаби нимадан иборат?
   
3. 
   Беш аъзоли гетероциклларнинг “ароматлик” хоссалари қайси реакцияларда намоён бўлади?
   
4. 
   Азот сақловчи гетероциклларнинг асос хоссага эга бўлиш сабаблари нимада?
   
5. 
   Олти аъзоли гетероциклик бирикмалардан қайси моддаларни биласиз?
   
6. 
   Конденсатланган гетероциклик бирикмаларда қандай цикллар бўлиши мумкин?
   
7. 
   Алкалоидлар ҳақида нималарни биласиз?
   
8. 
   Пирилий тузларининг ҳосил бўлиш механизми нимадан иборат?
   
9. 
   Антоцианидлар қандай бирикмалар қаторига киради?
   
10. 
    Антоцианид бўягичлар нима?
    

Таянч сўз ва иборалар

Гетероциклик бирикмалар, фуран, тиофен, пиррол, азоллар, алкалоидлар, перидин, фтивазид, никотин, конин, анабадин, диазинлар, пурин, аденин, гуанин, индол, хинолин, пиран, пирон, токоферол, антоцианлар, антоцианидлар, кумарин.

XII-боб БИОЛОГИК КИМЁ АСОСЛАРИ

Маъруза режаси:
1. Оқсиллар.
2. Ферментлар.

Биоорганик кимё ХХ асрнинг иккинчи яримларида «Органик кимё» фанида алоҳида бўлим сифатида ажрала бошлади. У ҳаёт фаолияти жараёнларида иштирок этадиган органик бирикмалар, метаболизм; биополимерлар (оқсиллар, полисаҳаридлар, нуклеин кислоталар), биорегуляторлар (ферментлар, гармонлар, витаминлар ва х.к.); синтетик биологик актив бирикмалар (дори-дармонлар, ўстириш воситалари, гербидцидлар ва х.к.) ларни ўрганади. Табиий ва синтетик биологик актив бирикмалар, уларнинг тузилиши билан биологик фаолиги ўртасидаги боғлиқлик, уларнинг тана ичидаги ва ташқарисидаги кимёвий ўзгаришларни ўрганиш биоорганик кимё вазифасига киради. Бу вазифалар – орагик бирикмаларни ажратиш, тозалаш ва тузилишларини текширишнинг хозирги замон усуллари яратилгандан сўнг хал қилинди.

Биоорганик кимё ютуқлари биологик ва физиология фанларининг ривожланиши билан боғлиқдир. Биоорганик кимё биокимё, биофизика ва бошқа фанлари билан бевосита боғлиқликда ривожланади.
Қуйида биз биоорганик кимёнинг энг муҳим бўлимлари – оқсиллар, углеводлар, нуклеин кислоталар, липидлар, терпенлар ҳақида сўз юритамиз.