Ўзбекистон республикаси олий ва ўрта махсус таълим вазирлиги тошкент давлат иқтисодиёт университети туризм асослари

Франция. Пойтахти Париж шаҳри. Иқлими - мўътадил денгиз иқлими. Давлат тузуми - республика. Майдони - 551,6 минг кв. км., аҳолиси - 60,424 млн. киши (2004 - йил), шулардан 98 % французлар, тили - француз, дини - христиан (80 %) ва ислом (5 %), пул бирлиги - француз франки эди, 2002 - йил 1 - январдан бошлаб евро. Йирик шахарлари: Париж, Марсель, Лион, Тулуза, Ницца, Нант, Страсбург, Бордо ва бошқалар. Миллий байрами - 14 июль - Бастилия ишғол қилинган кун (1789 - йил).
Сайёҳлик йўналишлари ва турлари: Париж. Лувр, Версал музейлари. Эйфел минораси. Д'орсэ вокзали заллари. Помпиду маркази. Диснейленд. Курортлар: Аркашон, Биариц, Лукана, Молиец, Сарнов, Палава, Камарг, Ла - Гранд - Мот, Сет, Мезе, Марсель. Ту кўлидаги сув спортининг ривожланганлиги. Автомобиль йўлларининг яхши йўлга қўйилганлиги. Доимий рождество ( Исо пайғамбарнинг туғилганига бағишланган христианлар байрами, милоднинг бошланиши) байрами. Курортлар, отел ва туристик лагерлар: Ривьери (йилига 35 млн. тур. кун), Париж (йилига 1,5 млн. тур. кун), Аквитания, Лангедск, Руссильон (ҳар бири йилига 6 млн. тур. кун). Икки - беш юлдузли отеллар. Масалан, Leonard de Vincy**, Panarama***.
Ўзбекистон - Франция муносабатлари. Франция қироли Карл VI де Валуа (14 - аср) ва Амир Темур давридаги савдо - иқтисодий ва маданий алоқалар. 1992 - йилда Францияда Ўзбекистон республикаси элчихонаси, 1995 - йилда Ўзбекистонда Франция элчихонасининг очилиши. Ўзбекистон Республикаси президенти И. А Каримовнинг 1993 - йилда Францияга ташрифи. Темурийлар санъати ва тарихини ўрганиш ҳамда ўзбек - француз маданий алоқалари ассоцияциясининг "Темурид" журнали.
Германия. Пойтахти Берлин шаҳри. Иқлими - мўътадил денгиз иқлими. Давлат тузуми - федератив республика. Майдони - 357 минг кв. км., аҳолиси - 82,160 млн. киши (1999 -йил), тили - немис, дини - протестант ва католик, пул бирлиги - Германия маркаси эди, 2002 - йил 1 - январдан бошлаб евро. Йирик шаҳарлари: Берлин, Гамбург, Кёльн, Франкфурт - Майн, Дортмунд, Ганновер, Нюрнберг, Лейпциг, Дрезден, Дюссельдорф, Штутгарт, Мюнхен, Баден - Баден. Миллий байрами - 3 октябрь - Германия бирлашган кун (1990 - йил).
Сайёҳлик йўналишлари ва турлари: Шоп туризм учун асосан Польшадан, шунингдек, Англия, Франция, Швецария ва Япониядан ташриф. Германия Альп тоғи, Франция ва Ўрта денгиз соҳиллари йўналишида жойлашганлиги сабаб, транзит туризмнинг ривожланганлиги. Савдо кўргазмалари, конференцияларнинг яхши йўлга қўйилганлиги. Курортлари, шифобахш табиати, гўзал манзилгоҳлари, қадимий тарихи ва маданияти.
Ўзбекистон - Германия муносабатлари. 1993 - йил апрелда Ўзбекистон Республикаси Президенти И. А. Каримовнинг Германияга ташрифи. 1993 - йил Бонн шаҳрида Ўзбекистон элчихонасининг очилиши. 1995 - йил Штутгарт шаҳрида Линден - музейда "Ўзбекистон Буюк ипак йули мероси" кўргазмасининг очилиши.
Италия. Пойтахти Рим шаҳри. Иқлими - мўътадил денгиз иқлими. Давлат тузуми - республика. Майдони - 301,2 минг кв. км., аҳолиси - 57,679 млн. киши (2001 - йил), тили - италян, дини - католик, пул бирлиги - Италия лираси эди, 2002 - йил 1 - январдан бошлаб евро. Йирик шаҳарлари: Рим, Милан, Неаполь, Турин, Генуя, Палермо. Миллий байрами - 2 июнь - Республика эълон қилинган кун (1946 - йил).
Сайёҳлик йўналишлари ва турлари. Классик туризм - Рим, Ватикан, Неаполь, Помпей, Флоренция, Пиза, Венеция, Милан. Ҳар йили 30 млн. атрофида туристларнинг ташрифи. Тур. ресурслари: тоғлар, кўллар ва тарихий обидалар. Халқаро туризм марказларининг асосий қисми шимолий ҳудудларда эканлиги ва унда Венетто шаҳрининг биринчи ўринда туриши (ҳар йили туристларнинг 20 %). Кейинги ўринларда Тоскано ва Альто - Адидже (ҳар бирига 13 %). Шоп тур. Рождество байрами, пляжлар, тоғ чанғисига мўлжалланган курортлар, анъанавий ошхоналар. Римдаги меъморий обидалар. Венеция шаҳридаги Сан - Марко собори, Флоренциядаги Санта Мария дель Фьоре собори, черковлар. Туристларнинг асосан қўшни давлатлар - Германия, Франция, Австрия, Швецариядан ташрифи ва уларнинг бир кунлик ёки транзит пассажирлар эканлиги. Рим, Флоренция ва Венеция каби шаҳарларга асосан АҚШ ва Япониядан ташриф буюришлиги. Ҳар йили Италия меҳмонхоналари ва бошқа турар жойларда 60 млн. атрофида туристларнинг жойлашуви. Буларнинг 35 % хорижий туристлар эканлиги. 1 - 5 юлдузли отеллари.
Ўзбекистон - Италия муносабатлари. 1996 - йил Флоренцияда имзоланган "Ўзбекистон билан Европа Иттифоқи ўртасида шериклик ва ҳамкорлик тўғрисида"ги битим. Ўзбекистон Республикаси Президенти И. А. Каримовнинг 1996 - ва 2000 - йилларда Италияга ташрифи. Туризм соҳасида икки томонлама ҳамкорликнинг йўлга қўйилиши.
Испания. Пойтахти Мадрид шаҳри. Иқлими - қуруқ субтропик иқлим. Давлат тузуми - қироллик. Майдони - 504,75 минг кв. км., аҳолиси - 40 млн. киши (2001 - йил), тили - испан, дини - католик, пул бирлиги - песета эди, 2002 - йил 1 - январдан бошлаб евро. Жаҳон туризм марказларидан бири. Йирик шаҳарлари: Мадрид, Барселона, Валенсия, Севилья, Сарагоса, Бильбао, Малага. Миллий байрами - 12 октябрь - Испан Миллий Куни (1492 - йил).
Сайёҳлик йўналишлари ва турлари: Испанияга ҳар йили 52 млн. туристларнинг келиб кетиши ва 20 млрд. долларгача даромад бериши (АҚШ дан кейин 2 - ўрин). Туристларга 6 млн. кишининг хизмат қилиши. Каталония, Барселона, Лерида, Коста Брава, Валенсия, Мурсия, Андалусия, Риоха, Кастилья - Ла - Манча, Эстремадура, Мадрид. "Испания маданияти" мавзусидаги экскурсия: Малага, Гранада, Севилья, Мадрид, Толедо, Кордорадо, Коста - дель - Соль. Ўрта денгиз соҳилидаги Бенидорм, Салоу, Торремолинос курортлари, Балеар ороллари, пляжлари, миллий истирохат боғлари, чанғи станциялари, гольф ўйинлари, овчилик, от спорти. Отеллари. Масалан, Augusta Club***, Reymar****.
Ўзбекистон - Испания муносабатлари. 15 - асрда Кастилия қиролининг элчиси Клавихонинг Самарқандга Амир Темур салтанатига ташрифи. Мустақиллик йилларидаги савдо - иқтисодий ва маданий - маърифий алоқаларнинг кучайиши.
Греция. Пойтахти Афина шаҳри. Иқлими - субтропик иқлим. Европанинг жануби - шарқий қисмида жойлашган қадимий давлат. Давлат тузуми - парламентли республика. Майдони - 131,9 минг кв. км., аҳолиси - 10,6 млн. киши (2000 - йил), тили - грек, дини - православ, пул бирлиги - драхма эди, 2002 -йил 1 - январдан бошлаб евро. Йирик шаҳарлари: Афина, Салоники, Патри. Миллий байрами - 25 март - Мустақиллик куни (1821 - йил).
Қадимий грек афсоналари, антик файласуфлар, театрлар, меъморий ва ҳайкалтарошлик ёдгорликлари.
Сайёҳлик йўналишлари ва турлари: тарихий аҳамиятга эга - Афина (Аттика), Пелопоннес, Фессалия, Эпир, Македония, Фракия. Кўплаб ороллар, пляжлар. Афинанинг қадимий маданияти ва тарихий ёдгорликлари. Афинадаги Парфенон меъморчилиги, Акрополь ва Ликабет тарихий тепаликлари. Перикл даври ёдгорликлари, авлиё Георгий черкови, Биринчи грек шоҳи Оттонинг собиқ саройи. Крит ороли - Зевс худоси ватани. Тарихий - маданий туризм мақсадида - испанлар ва америкаликларнинг, оролларга эса немислар, англичанлар, шведлар ва голландларнинг ташрифи. Отеллар: Park *****, Titania****.
Ўзбекистон - Греция муносабатлари. 1992 - йил 16 - мартдан йўлга қўйилганлиги.1995 - йил январдан ҳаво йўллар орқали ойига 2 марта Афинага самолётларнинг қатнови. Ўзбекистон Республикаси Президентининг 1997 - йили Грецияга ташрифи.