Ўзбекистон республикаси олий ва ўрта махсус таълим вазирлиги тошкент давлат иқтисодиёт университети туризм асослари

Бошқа ҳудудлардаги ёдгорлик ресурслар
Кармана тарихи.
Кармана меъморий ёдгорликлари. Қосим шайх Азизон мажмуаси. 16 - аср ислом дини мутафаккирларидан бири -пири комил Қосим шайх Азизон бўлиб, Бухоро хони Абдуллахоннинг устози бўлган. Унинг тўрт томонидан қудуқ бўлган. Бу ерда масжид ҳам бор.
Мир Саййид Баҳром мақбараси. 10 - 11 - асрга оид бўлиб, уни самонийлар сулоласи вакилларидан бирининг қабри, -деб келинади. Мақбара пишшиқ ғиштдан, гумбазли, тўртбурчак шаклидадир. Ўртада қабр, унинг ёнида иккита қабр тоши бор.
Работи Малик ва Сардоба. Буларни 11 асрда қорахонийлар даврида Шамсулмулк Носир Ибн Иброҳим қурдирган. Мажмуа "Буюк Ипак йўли"да карвонсарой - меҳмонхона вазифасини бажарган. Амур Темур, Алишер Навоийлар ҳам бу ерда бўлишган.
Шунингдек, Кампир деволи, тарихий чорбоғ ва саройлар ҳам Кармана тарихида алоҳида аҳамиятга эга. Асқаробод, Чоргарчорбоғ, Хончорбоғ, Жарчорбоғ, Гулчарбоғ, Боғлочин, Хайработ, Мирза чорбоғлар шулар жумласидандир.
Бухоро амири Абдулло Аҳмадхоннинг 1894 - 1910 йилларда яшаган уйи - Хончорбоғдадир. Чаргарчорбоғда эса Бухоро амирининг саройи (қароргоҳи) бўлган.
Жиззах - Самарқанд йўлидаги "Темур дарвозаси" ҳам туризм манзилларидандир.
2 - илова
Халкаро туризм марказлари
Европа мамлакатлари туризм марказлари
Буюк Британия. Пойтахти Лондон шаҳри. Иқлими - мўътадил денгиз иқлими. Давлат тузуми - парламентли монархия (қироллик). Майдони - 244,1 минг кв. км, аҳолиси- 58,5 млн. киши (1990 - йиллар охири), тили - инглиз, дини - христиан, пул бирлиги - фунт стерлинг. Тарихан таркиб топган ва миллий жиҳатдан ҳар - хил бўлган 4 маъмурий - сиёсий қисм (Англия, Уэльс, Шотландия ва унга ёндош ороллар Шимолий Ирландия)дан иборат. Йирик шаҳарлари: Лондон, Бирмингем, Глазго, Ливерпуль, Манчестер, Шеффильд, Лидс. Миллий байрами - Қиролича туғилган кун (июнь ойининг иккинчи ёки учинчи шанбаси).
Cайёҳлик йўналишлари ва турлари: Лондон. Букингемск саройи. Парламент биноси. Авлиёлар собори. Миллий денгиз музейи. Британ денгиз соҳили курортлари. Бизнес туризм, маданий туризм. Хорижий туризмнинг асосан таътилларга, бизнес туризмга, қариндошлар ва дўстлар ташрифига (туризмнинг 50 %, шулардан 40 % таътиллар учун, 26 % бизнес туристлар учун) тегишли эканлиги. Хорижий туризм ривожланган. Бир йилда 12 млн. турист келиб кетишади. Икки - беш юлдузли отеллари. Масалан: ST Jomes Coust****, Holiday Inn****.
Ўзбекистон - Буюк Британия муносабатлари. Ўзбекистон билан Буюк Британия ўртасидаги савдо - иқтисодий ҳамкорлик 1993 - йил ноябрда Ўзбекистон Республикаси Президенти И.А. Каримовнинг Буюк Британияга қилган ташрифи чоғида имзоланган "Савдо - иқтисодий ҳамкорлик тўғрисида", "Капитал қўйилмалар сарфланишини рағбатлантириш ва ўзаро ҳимоя қилиш ҳақида" ҳамда "Икки ёқлама солиқ солинишига йўл қўймаслик тўғрисида"ги шартномаларга асосланади. "Бритиш Эйрвей" компанияси билан тузилган шартномага биноан 1992 - йил 31 - декабрдан бошлаб "Ўзбекистон ҳаво йўллари" миллий авиация компаниясининг самолётлари ҳафтасига 4 марта Лондонга қатнаб турибди. 1994 - йилда "Ўзбекистон ҳаво йўллари" миллий авиация компанияси Буюк Британия транспорт департаменти билан келишиб, Тошкент - Манчестер - Тошкент ўртасида мунтазам рейслар бажариш ҳуқуқини олган. Ўзбекистон Республикаси Ташки иқтисодий фаолият миллий банки билан "Барклайз Банк" (салкам 32 млн. АҚШ доллари миқдорида) қўшма фаолият йўналиши сифатидаги кредитни "Сосьете Женерель" банки билан биргаликда "Метрополь" меҳмонхонаси қурилиши учун 10 йил муддатга ажратди.