Ўзбекистон республикаси олий ва ўрта махсус таълим вазирлиги тошкент давлат иқтисодиёт университети туризм асослари

Ҳиндистон. Пойтахти Деҳли шаҳри. Иқлими - муссонли иқлим. Давлат тузуми - федератив республика. Майдони - 3,3 млн. кв. км., аҳолиси - 1 млрд. 49,5 млн. киши (2002 - йил), тили - ҳинди ва инглиз, дини - ҳиндуийлик (индуизм), пул бирлиги - рупия. Йирик шаҳарлари: Деҳли, Калькутта, Бомбай, Аҳмадобод, Жайпун ва бошқалар. Миллий байрами - 26 январь - Республика куни (1950 - йил), 15 август - Мустақиллик куни (1947 - йил).
Сайёҳлик йўналишлари ва турлари: Деҳли Шоҳжаҳонобод меъморий обидаси намуналари, Лал - Қила мажмуйидаги бобурийлардан қолган мармар саройлар, Марварид масжид, Жума масжид, Ҳумоюн мақбараси, музейлари, амфитеатри, байрамлари, киноси, рақси, мусиқаси, Палам халқаро аэропорти, Агра Тожмаҳали, Гоа таомлари, пляжлари, беш юлдузли отеллари, Ганг дарёсидаги Варанаси (Банорас) шаҳри диний анъаналари, Жайпур Жал Маҳал кўл саройи, шаҳар саройи, музейи, филлар фестивали, бизнес туризм, Мадрас пляжи, ибодатхоналари, музейлари, Бхубанешвар ибодатхонаси. Шунингдек, мамлакатдаги Ҳимолай тоғига пиёда тур, альпинизм тур, денгиз туризми. Тоғли шаҳар - курортлар: Кулу, Манали, Симла, Наинитал, Масури. Кашмир, Панжоб, Жамма штатлари муқаддас қадамжолари, табиий - экзотик туризм, тоғ туризми, рафтинг тур, чанғи туризми, туялар билан саёҳат. 26 - январда Республика кунининг нишонланиши. Калькутта музейлари, гольф клублари, Мумбай (Бомбай) қалъаси, боғлари, музейлари, шунингдек, бошқа штатлардаги ғорлар, ибодатхоналар, пляжлар, мазали таомлар, филлар.
Ўзбекистон - Ҳиндистон муносабатлари. 1992 - йил Тошкентда Ҳиндистон консулхонаси, 1994 - йил Деҳлида Ўзбекистон элчихонасининг очилиши. Ўзбекистон Республикаси президенти И. А. Каримовнинг 1991, 1994, 2000, 2005 - йилларда Ҳиндистонга сафари.
Сингапур. Пойтахти Сингапур шаҳри. Иқлими - тропик муссонли иқлим. Давлат тузуми - республика. Майдони - 640 кв. км., аҳолиси - 4,45 млн. киши (2002 - йил), тили - малайя (давлат тили), хитой, тамиль, инглиз (расмий тил), аҳолисининг 76 % дан ортиғи хитойлар, 15 % малайялар, 7 % Ҳиндистон, Бангладеш, Покистондан келганлар ташкил этади. Шу боис, малайялар ислом динига, хитойлар буддизмга, конфуцийликка эътиқод қиладилар, пул бирлиги - Сингапур доллари. Йирик шаҳарлари: Сингапур, Журонг. Миллий байрами - 9 август - Миллий кун (1965 - йил).
Туризми: Сингапур Европа мамлакатлари учун жуда қизиқарли туризм маркази эканлиги: этник, маданий ва бизнес туризм. Хорижий туристларнинг 60 % Осиёдан, 15 - 19 % Европадан, 12 % Австралия ва Янги Зеландиядан, 6 % АҚШ дан.