Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Кальцийни трилонли услуб (метод) билан аниқлаш. Трилон Б (этилендиамин тетра сирка кислотанинг натрийли тузи) кўпинча икки ва уч валентли катионлар билан сувда эрийдиган комплекс бирикмалар ҳосил қилади. Бу усул билан аниқлашда кальций иони билан қўшилгандан ранг берувчи Мурексид индикатори ишлатилади.
Ишлаш тартиби. Кальцийнинг кўп-озлигига қараб сувли сўримдан 25-50 мл олиб, 250 мл ли конуссимон колбага солинади. Колбадаги суюқликнинг устига дистилланган сув қўшиб, ҳажми 100 мл га етказилади.
Колбага 2 нормал NaOH эритмасидан 5 мл қуйилади. Колбадаги суюқлик бир оз чайқатиб, устига 3-5 томчи Мурексид индикаторидан томизилади (мурексид кристалл ҳолда бўлса, жуда озгина қўшилади). Сўнгра тезликда трилон Б эритмаси (кальций кўп бўлса, 0,05 нормал трилон Б, оз бўлса 0,01 нормал трилон Б) билан суюқлик қизғиш рангдан бинафша тусга ўтганга қадар титрланади.
Кальцийнинг фоиз миқдори трилон Б нинг кетган миқдорига қараб қуйидаги формула билан аниқланади.
Х= а*в*Е*100*К
М*Н
Х- кальцийнинг миқдори (% ҳисобида)
а- титрлашга кетган (0,05 ёки 0,01 нормал) трилон Б (мл ҳисобида)
в- 1 мл 0,05 нормал трилон Б, 0,001 г кальцийни ёки 0,01 нормал трилон Б 0,0002 г кальцийни чўктирганлигини билдиради.
М –титрлашга олинган сўрим ҳажми (мл ҳисобида)
Е- сўримнинг умумий ҳажми (мл ҳисобида),
К- мутлақо қуруқ тупроққа айлантириш гигроскопик коэффициенти.1,02
Н- тупроқ оғирлиги (г ҳисобида)
Магний ионини кальций ва магний йиғиндисидан аниқлаш.
Ишлаш тартиби. 25 мл сувли сўримдан олиб ҳажми 250 мл ли конуссимон колбага солинади ва унга ҳажми 100 мл га етгунча дистилланган сув қуйилади. Ҳосил бўлган суюқликка 10 мл буфер эритмаси қуйилади ва қора хромоген индикаторидан қўшилади, сўнгра тезликда 0,05 нормал трилон Б эритмаси билан бинафша рангдан зангори(осмон ранг) тусга ўтгунча титрланади.Магнийнинг фоиз миқдори тубандаги формула билан аниқланади:
Х= (в-а)*Е*100*К
М*Н
Х- магнийнинг миқдори (% ҳисобида)
в- қора хромоген билан титрлашга кетган трилон Б (мл ҳисобида)
а- мурексид билан титрлашга кетган трилон Б нинг миқдори (мл ҳисобида)
с- 1 мл 0,05 М трилон Б-0,00063 г магнийнинг чўктирганлигини билдиради.
К- мутлақо қуруқ тупроққа айлантириш коэффициенти.1,02
М –титрлашга олинган сўрим ҳажми (мл ҳисобида)
Е- сўримнинг умумий ҳажми (мл ҳисобида)
Н- тупроқ оғирлиги (г ҳисобида)
Сувли сўримда аниқланган ионларнинг % миқдори мг/экв га ўтказиш учун қуйидаги формула ёрдамида ҳисобланади.