Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Сульфат кислотани аниқлаш. Тупроқ таркибидаги сульфат кислота асосан магний сульфат, натрий сульфат (глаубер тузи) ва кальций сульфат (гипс) тузлари шаклида бўлади. Магний сульфат ва натрий сульфат сувда осон эрийди, улар ўсимлик учун зарарлидир. Кальций сульфат эса сувда секин эрийди.
Сульфат кислотанинг миқдори ҳажмий ёки оғирлик усули билан аниқланади. Ҳажмий усул жуда осон ва қулай. Бу усул сўримдаги сульфат кислотани бензидин хлорид эритмаси билан чўктиришга асосланган.
Ишлаш тартиби. Кимёвий стаканга 10-20 мл сўрим олиниб, устига 10-15 мл бензидин хлорид эритмаси қуйилади. 30-40 минут ўтгандан кейин стакандаги тиниқ эритма устига яна 1-2 томчи бензидин хлорид эритмаси томизиб кўриш билан сульфат кислотанинг тўлиқ чўкканлиги аниқланиб, чўкма кичик фильтр қоғозда сузиб олинади.
Воронкадаги фильтрда тўпланган чўкма дистилланган совуқ сув билан ювилади.(воронкадан тушаётган сув тиниқ бўлиши керак). Ювиш воронкадан тушаётган охирги томчи кўк лакмус қоғозни қизартирмайдиган бўлгунча давом эттирилади. Ювилган чўкма фильтр билан бирга кичик кимёвий стаканга солинади. Устига 40-50 мл дистилланган сув қуйилади, сўнгра у қиздириб эритилади.
Стакандаги эритмага 2-3 томчи фенолфталеин томизиб чайқатилади ва эритма оч пушти рангга киргунча ўювчи натрий (NaOH) нинг 1/20 нормал эритмаси билан титрланади. Сўнгра ҳосил бўлган эритма қайнатилади, бунда ранги ўчса, титрлаш ўзгармас оч пушти ранг пайдо бўлгунча давом эттирилади.
Анализ натижаси қуйидаги формула бўйича аниқланади:
Х= а*N*Е*100*К
М*Н
Х- сульфат кислотанинг миқдори (% ҳисобида)
А- титрлашга кетган ўювчи натрийнинг 1/20 нормал эритмаси чўктирган сульфат кислота миқдори (мл ҳисобида)
N- 1 мл ўювчи натрийнинг 1/20 нормал эритмаси чўктирган сульфат кислота миқдори, г ҳисобида (0,00024)
М –титрлашга олинган сўрим ҳажми (мл ҳисобида)
Е- сўримнинг умумий ҳажми (мл ҳисобида),
К- мутлақо қуруқ тупроққа айлантириш гигроскопик намлик коэффициенти.1,02
Н- тупроқ оғирлиги (г ҳисобида)