МУСТАҚИЛ ИШ МАВЗУСИ:
ТУПРОҚДАГИ ТУЗЛАРНИ АНИҚЛАШДА
СУВЛИ СЎРИМ АНАЛИЗИ
Тупроқнинг шўрланишига сабаб бўлувчи сувда осон эрийдиган NaCI, Na2 SO4 , NaHCO3, Na2SO4, CaCI2, MgSO4, MgCI каби тузларни аниқлаш муҳим аҳамиятга эга.
Шўрланган тупроқларни лаборатория шароитида текширишнинг асосий усулларидан бири сувли сўрим анализидир. Сувли сўримга доир маълумотлардан одатда турли тупроқлардаги сувда эрийдиган моддалар миқдори ва таркибига қиёсий таъриф бериш ҳамда тупроқнинг шўрланиш даражасини аниқлаш учун фойдаланилади.
Сувда эрийдиган тузлардан тупроқларда энг кўп учрайдиганлари кальций, магний, натрий ва калий сульфатлар, хлоридлар ва бикарбонатларидир.
Сувли сўрим усули тупроқни сув билан аралаштириб қисқа муддатли ишлов бериш ва сўнгра бу суюқликни фильтрлашдан иборат. Сузиб ўтказилган суюқлик-сўрим эса навбатдаги текширивлардан ўтказилади.
Тупроққа сув билан ишлов берилганда сувда эрийдиган бирикмалар сўримга ўтади. Сувли сўрим таркибидан одатда қуруқ қолдиқ, умумий ишқорийлик, нормал карбонатлар ва бикарбонатлар таъсиридаги ишқорийлик CI-, SO4---, Ca++, Mg++,K+, Na+ ни, сувда эрийдиган чириндининг миқдорини аниқлаш қабул қилинган. Айрим ҳолларда нитратлар, нитритлар баъзи оксидлар ва бошқа бирикмалар ҳам аниқланади.
Тупроқдаги сувда эрийдиган моддаларнинг миқдори ва таркибини аниқлашда сувли сўримнинг қисқартирилган ёки тўлиқ анализи қўлланилади.
СУВЛИ СЎРИМ ТАЙЁРЛАШ.
1 Соя жойда қуритилиб,кўзларининг ўлчами 0,25 мм бўлган элакдан ўтказилган тупроқдан техник-кимёвий тарозида 50 г тортиб олинади. Олинган намуна 500 мл сиғимли конуссимон колбага солинада ва унинг устига тупроққа нисбатан беш марта кўп (250 мл) миқдорда дистилланган сув қуйилади.
2.Колбадаги тупроқ ва сув 5 минут давомида аралаштирилиб турилади, сўнгра бу аралашма букланган бурмали қалин (зич) фильтр қоғозидан ўтказилиб, колбадаги барча тупроқ фильтр устида қолдирилади. Фильтрлаш учун 12-15 см диаметрли воронка ишлатилади. Фильтрланган суюқликнинг дастлабки лойқа бўлиб тушган қисми яна қайта фильтрдан ўтказилади. Фильтрлаш вақтида сўримнинг фильтрланиш тезлиги, ранги ва тиниқлиги ёзиб борилади.Тиниқ сарғиш суюқлик (фильтрат) сўрим дейилади.
3.Фильтрлаш тугагач, сўрим буғланмаслиги ва ифлосланмаслиги учун бошқа бир колбага солинади ва тиқин билан беркитилади.Сувли сўрим тайёрлагандан кейин сўримнинг таркибида хлорид,сульфат тузлари борлигини сифат анализи ўтказилиб аниқланади.
Сифат анализи:Тупроқда ишқорийликнинг оз ёки кўплигини билиш учун пробиркага 3-4 мл сувли сўримдан олиб устига 1-2 томчи фенолфталеин томизилади.Сўрим пушти рангга кириб,оч ёки тўқ пуштилигига қараб ишқорийлик аниқланади.
Хлор тузлари борлигини аниқлаш учун сувли сўримдан пробиркага 3-4 мл олиб,устига 1-2 томчи 10% ли кумуш нитрат (AgNO3) эритмасидан томизилади.Пробиркада оқ чўкма ҳосил бўлса хлор тузлари борлигини кўрсатади.
Сульфат кислота тузларининг борлигини аниқлаш учун сўримдан пробиркага 3-4 мл олиб,сўримнинг устига 1-2 томчи 10% ли барий хлорид(BaCL2) эритмасидан томизилади.Пробиркада оқ чўкма ҳосил бўлса сульфат кислота тузининг борлиги аниқланади.
Пробиркалардаги оқ чўкмаларнинг оз ёки кўплигига қараб тузларнинг миқдорини тахминан билиш мумкин.
Do'stlaringiz bilan baham: |