Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Умумий ишқорийликни аниқлаш. Ишлаш тартиби. Нормал карбонатлар таъсирида вужудга келган ишқорийлик аниқлангандан кейин ўша стаканчага 1-2 томчи метилоранж томизилади ва ранги оч пушти бўлгунча сульфат кислотанинг 1/100 нормал эритмаси билан титрланади.:
Х= (а-в)*N*Е*100*К
М*Н
Х- умумий ишқорийлик (% ҳисобида)
А- титрлашга кетган 1/100 нормал сульфат кислота (мл ҳисобида)
В- иккинчи марта титрлашга кетган 1/100 нормал сульфат кислота.
N- 1 мл 1/100 нормал сульфат кислота тўғри келган СО₃ –(0,00061)
Е- сўримнинг умумий ҳажми (мл ҳисобида)
М –титрлашга олинган сўрим ҳажми (мл ҳисобида),
К- мутлақо қуруқ тупроққа айлантириш гигроскопик намлик коэффициенти.1,02
Н- тупроқ оғирлиги (г ҳисобида)
Хлор ионини аниқлаш. Шўр тупроқларда хлор иони натрий хлорид, магний хлорид ва кальций хлорид тузлари шаклида учрайди. Булардан тупроқда, айниқса, натрий хлорид кўпроқ учрайди. Натрий хлориднинг озгина миқдори ҳам ўсимлик учун зарарлидир. Шунинг учун хлор иони биринчи навбатда аниқланиши керак.Хлор ионининг миқдори турли методлар билан аниқланади. Булардан ҳажмий усул осон ва қулай ҳисобланади. Бу услуб анализ учун олинган сўримга индикатор сифатида калий хромат қўшиб, кумуш нитрат эритмаси билан титрлашга асосланган.
Ишлаш тартиби. Иккита кимёвий стаканча олиб, ҳар бирига 10-20 мл дан сўрим солинади. Сўрим кислотали ёки ишқорий бўлса (лакмус қоғоз билан аниқланади), ҳар икки стакандаги эритма нейтралланади ва устига индикатор сифатида калий хромат (K₂Cr₂O₄) нинг 10 % ли эритмасидан 1 мл дан қуйилади..
Бир стакандаги эритма таққослаш учун қолдирилади. Иккинчи стакандаги эритма оч қизғиш рангга киргунча кумуш нитрат (AgNO₃) нинг 1/10 нормал эритмаси билан титрланади.
Натижа қуйидаги формула бўйича ҳисобланади.
Х= а*N*Е*100*К
М*Н
Х- хлор ионининг миқдори (% ҳисобида)
А- титрлашга кетган кумуш нитратнинг 1/10 нормал эритмаси (мл ҳисобида)
N- 1 мл кумуш нитратнинг 1/10 нормал эритмаси чўктирган хлор иони миқдори, г ҳисобида (0,00035)
М –титрлашга олинган сўрим ҳажми (мл ҳисобида)
Е- сўримнинг умумий ҳажми (мл ҳисобида),
К- мутлақо қуруқ тупроққа айлантириш гигроскопик намлик коэффициенти.1,02
Н- тупроқ оғирлиги (г ҳисобида)