Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Фан бўйича талабаларнинг билимига, кўникма ва малакасига
қўйиладиган талаблар
«Ишчи касбни эгаллаш» ўқув фанини ўзлаштириш жараёнида амалга ошириладиган масалалар доирасида бакалавр:

• 
  агрокимё ва тупроқшуносликда қўлланиладиган илмий-тадқиқот
  

усуллари, илмий-тадқиқотларнинг замонавий усуллари тўғрисида тасаввурга эга бўлиши керак.

• 
  агрокимё ва тупроқшуносликнинг ўқув ва илмий лабораториялари-
  

да амал қилинадиган техника хавфсизлиги чораларини, ўқув ва илмий жараёнларда ишлатиладиган эритмаларнинг турлари ва уларни тайёрлашни, лаборатория жиҳозлари ва техник воситаларнинг тузилиши ва ишлаш жараёнларини билиши ва уларда учрайдиган енгил носозликларни тузатишни билиши ва қўллай олиши керак.
- тупроқ, ўсимлик ва ўғитлар устида ўтказиладиган агрофизикавий ва
агрокимёвий таҳлилларни мустақил амалга ошириш, таҳлил асосида олинган
натижаларни ҳисоблаш ва статистик ишлаш, ўғитлар билан ўтказиладиган лизиметрик ва дала тажрибалари ташкил этиш ва ўтказиш, тупроқ кесмаларини солиш, тупроқ ва ўсимлик намуналарини олиш, тупроқ-дала тадқиқотларини амалга ошириш юзасидан кўникмаларга эга бўлиши керак.


Фаннинг ўқув режадаги бошқа фанлар билан ўзари боғлиқлиги ва услубий жихатдан кетма - кетлиги

Ишчи касбни эгаллаш фани 6- семестрларда 3-боскич талабаларига ўқитилади. Дастурни амалга ошириш ўқув режасида режалаштирилган математик ва табиий (олий математика, физика, кимё,биология, генетика, экология), умумкасбий (ботаника, қишлоқ хўжалик иқтисодиёти, деҳқончилик, мелиорация, тупроқшунослик, геология асослари, қишлоқ хўжалик биотехнологияси, агрокимё, ўсимликшунослик ва ҳ.,к.) ва ихтисослик (мелиоратив тупроқшунослик, агрокимё, агрокимёвий текшириш усуллари, тупроқ географияси, тупроқни хариталаш, тупроқ бонитировкаси ва ҳ.,к.) фанларидан етарли билим ва кўникмаларга эга бўлишлик талаб этилади.