Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

Гуруҳ раҳбарининг вазифалари

• 
  амалиётчи-талабаларнинг асосий тарбиявий вазифалари, ўзининг иш режалари билан таништириши;
  
• 
  академик гуруҳ ўкувчи-талабалари иштирокида намунавий маънавий-маърифий тадбирлар ўтказиб бериши;
  
• 
  ўкувчи-талабаларнинг шахсий хусусиятларини ўрганишда амалиётчи-талабаларга тегишли ёрдам бериши;
  
• 
  амалиётчи-талабаларнинг гуруҳини кундалик ишларга жалб этиши;
  
• 
  амалиётчи-талабаларнинг гуруҳда амалга оширадиган маънавий- маърифий ишларига бошчилик қилиши, кузатиши, муҳокама қилиши ва баҳолашда шахсан иштирок этиши;
  
• 
  амалиётга бағишлаб ўтказиладиган барча анжуманларда қатнашиши кабилар.
  

Педагогик амалиётни ўтказишнинг ташкилий масалалари
Педагогик амалиётини ташкил этишда унинг ўтказилиш вақтини тўғри танлаш, унга мос келадиган касб-ҳунар коллежи ва ундаги шарт шароитнинг, малакали мутахассис-ўқитувчи кадрларнинг етарлилиги, амалиётчи-талабанинг тайёргарлиги кўзланган мақсадга эришишда муҳим ўрин тўтади. Шунинг учун, педагогик амалиётнинг ташкилий масалаларига алоҳида тўхталиб ўтамиз.
Педагогик амалиётнинг ўтказилиш тартиби
Педагогик амалиёт барча олий ўқув юртларида кириш анжуманларини ўтказиш билан бошланади. Бунда амалиётчи-талабаларнинг вазифалари, амалиёт давомида амалга оширадиган ишларининг мазмуни, улар олдига қўйиладиган талаблар тушунтирилади.
Педагогик амалиёт икки қисмдан иборат бўлади:
Танишув даври.
Педагогик амалиётнинг 1-хафтаси танишув даври бўлиб, бунда қуйидаги ишлар амалга оширилади:

• 
  амалиётчи-талабалар педагогик амалиёт методистлари билан танишадилар;
  
• 
  педагогик амалиётда бевосита иштирок этувчи амалиётчи-талабалар касб-ҳунар коллежи директори, унинг ўринбосарлари билан танишадилар ва улар билан суҳбат ўтказилади;
  
• 
  амалиётчи-талабалар гуруҳларга тақсимлаб чиқилади;
  
• 
  амалиётчи-талабалар ўзларига бириктирилган гуруҳ билан танишиб чиқадилар, ўтиладиган барча дарсларни кузатадилар;
  
• 
  мутахассислик фанлари бўйича ва маънавий-маърифий ишлар бўйича режалар билан танишиб чиқадилар ва шунга асосан ўзлари учун шахсий режа тузиб оладилар;
  
• 
  ўзларига бириктирилган гуруҳда таълим-тарбия ишларини бошлашга тайёргарлик кўрилади.