Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

Олий таълим муассасасидан тайинланган раҳбарнинг вазифалари
Педагогик-малакавий амалиётни ўтказиш учун олий таълим муассасаси (ОТМ) билан ўрта махсус таълим муассасаси ўртасида шартнома тузилади ва тажрибали профессор, доцент ва ўқитувчилардан амалиёт раҳбари тайинланади. ОТМ томонидан тайинланган раҳбарнинг вазифалари қуйидагилардан иборат:

• 
  олий таълим муассасасида амалиётга бағишланган кириш ва якунловчи анжуманларни ташкил этиш, бунда амалиётчи-талабаларнинг шахсан иштирок этишини таъминлаши;
  
• 
  зарурий тайёргарлик ташкил этиш учун амалиёт объектларига амалиёт бошланишидан олдин бориши.
  
• 
  талабаларнинг амалиётга боришидан олдин ташкилий тадбирлар (амалиёт ўтказиш тартиблари, хавфсизлик тахникаси ва ҳ.к.) ўтказишни таъминлаши.
  
• 
  талабаларнинг кафедра топшириқларида кўзда тутилган илмий тадқиқот ишларига раҳбарлик қилиши.
  
• 
  амалиёт объектларида талабаларнинг меҳнат шароитлари меъёрдагидек таъминланганлигини назорат қилиши;
  
• 
  талабаларнинг ички меҳнат тартиб-қоидаларига риоя қилишларини назорат қилиши;
  
• 
  амалиёт якунлари бўйича талабалар илмий анжуманлари тайёрланишида ва амалиёт натижалари ҳимоясида иштирок этиши;
  
• 
  талабаларнинг амалиёт бўйича ҳисоботларини кўриб чиқиши ва тавсияномалар бериши;
  
• 
  талабалар амалиёт ўтаганлиги ва уларнинг амалий тайёргарлигидаги камчиликлари кўрсатилиб, амалиётни янада такомиллаштириш бўйича баён этилган таклифлар, ёзма ҳисоботни кафедра мудирига тақдим этиши;
  
• 
  барча амалиёт билан боғлиқ ишларни амалиётдан бириктирилган раҳбар билан бирга амалга ошириши кабилар.
  

Талабалар амалиётининг умумий раҳбарлиги раҳбарнинг буйруғи билан масъул ходимларнинг бирига юклатилади. Талабалар амалиётининг бевосита раҳбарлиги амалиёт объекти бошлиғининг буйруғи билан таркибий бўлимнинг юқори малакали мутахассиси зиммасига юклатилади.
Касб-ҳунар коллежи директори ва маънавий-маърифий ишлар бўйича директор ўринбосарининг вазифалари
Касб-ҳунар коллежи директори ва маънавий-маърифий ишлар бўйича директор ўринбосари педагогик амалиётни ташкил этиши ва ўтказиши жараёнига бевосита раҳбар ҳисобланади. Шундай экан, бу ишга уларнинг қандай ёндашиши муҳим ҳисобланади.
Амалиётнинг муваффақиятли ўтишида директорнинг бажарадиган вазифалари асосан қуйидагилардан иборат:

• 
  касб-ҳунар коллежида педагогик амалиётнинг самарали ўтиши учун тузилган шартнома шартларини бажарилиши учун шароит яратиб бериш;
  
• 
  амалиётчи-талабаларни касб-ҳунар коллежи ишлари билан тўла таништириш;
  
• 
  коллеж ўқув базаси (фан кабинетлари, ўқитиш устахоналари, библиотека ва ҳоказо), коллеж жамоаси, метод бирлашмалари ва ота-оналар кенгаши ишлари билан таништириш;
  
• 
  педагогик амалиёт раҳбари билан биргаликда амалиётчи-талабаларни гуруҳларга тақсимлаш;
  
• 
  амалиётчи-талабаларнинг синов дарслари ва маънавий маърифий тадбирларида ва уларнинг муҳокамасида иштирок этиш;
  
• 
  амалиёт бошланишида ва якунида амалиётчи-талабалар билан кенгаш ўтказиш.
  

Амалиётнинг муваффақиятли ўтишида маънавий-маърифий ишлар бўйича директор ўринбосарининг бажарадиган вазифалари асосан қуйидагилардан иборат:

• 
  амалиётчи-талабаларнинг касб-ҳунар коллежи маънавий-маърифий ишларнинг йиллик режаси билан таништириши, уни амалга ошириш йўллари бўйича кўрсатмалар бериши;
  
• 
  амалиётчи-талабалар билан иш олиб боришда гуруҳ раҳбарларига ёрдам бериши;
  
• 
  амалиётчи-талабалар билан ҳамкорликда коллеж миқёсида маънавий-маърифий тадбирлар ўтказишга раҳбарлик қилиши, уни муҳокамасида бевосита иштирок этиши ва керакли маслаҳатлар бериши.
  

Мутахассислик фанлар ўқитувчиларининг вазифалари

• 
  ўзига бириктирилган амалиётчи-талабаларни йиллик иш режаси билан таништириши;
  
• 
  мутахассислик фани бўйича очик дарс ўтиб кўрсатиши;
  
• 
  методист-ўқитувчи билан ҳамкорликда амалиётчи-талабаларга мутахассислик фани бўйича дарс ва дарсдан ташқари машғулотларни тақсимлаши;
  
• 
  амалиётчи-талабаларга доимий равишда маслаҳатлар бериши, улар ўтган дарс машғулотларини бевосита кузатиши, муҳокама қилиши ва баҳолаши;
  
• 
  амалиётчи-талабаларнинг кўргазмали қуроллар, тарқатмали материаллар тайёрлашига бошчилик қилиши ва тегишли маслаҳатларни бериши;
  
• 
  амалиётга бағишланган барча анжуманларда қатнашиши талаб этилади.