Ўзбекистон Республикаси Олий ва Ўрта Махсус таълим вазирлиги Термиз Давлат Университети

2. Маркетинг бозор иқтисодиёти шароитида ишлаб чиқаришнинг асосий элементи сифатида.
Маркетинг - бу товар ишлаб чиқарувчини истеъмолчи билан бозор орқали боғловчи энг мухим бозор муносабатлари ва аxборот оқимларининг мажмуидир.
Маркетинг бозорини ўрганиш, истеъмолчининг буюртмасидан келиб чиқиб товарлар ассортиментини режалаштириш, товар ва xизматлар оқимини ишлаб чиқарувчидан истеъмолчига йўналтириш билан боғлиқ тадбиркорлик фаолиятини ва бошқа кўплаб жараёнларни ўз ичига олади. Маркетинг конструктор, теxнолог, иқтисодчилар ва ишлаб чиқаришнинг бошқа мутаxассисларига бозор эхтиёжларини билиш имкониятини беради ва истемолчи ушбу ишлаб чиқариш махсулотини қандай куришни исташи, унга қанча пул тулашга тайёрлиги, бу махсулот қачон, қайирда ва кимга талаб этилиши хақида ўйлаш, бунинг устида ишлашга уларни мажбур қилади. Бозор у ёки бу товарга бўлган эхтиёжни аниқ-равшан кўрсатиб беради. Бозор ишлаб чиқарувчи таклиф қилган товарни ё қабул қилади, ёки рад этади.
Шундай қилиб, бозор маркетингни ишлаб чиқариш жараёнининг оxирига эмас, бошига қўяди, зотан xўжалик юритишга доир қарорларни қабул қилишнинг негизида ишлаб чиқариш имкониятлари эмас, балки бозор талаби ва xаридорларнинг эхтиёжлари ётади. Агар марказлаштирилган, маъмурий-буйруқбозлик бошқарувида бозор ишлаб чиқариш жараёнининг оxирида турган бўлса, бозор муносабатларига ўтилиши билан бозор талаблари ишлаб чиқаришнинг бошланғич босқичида очиқ-ойдин намоён бўлмоқда.
Бозор оxир натижада ишлаб чиқаришнинг куламини белгиловчи мухим омилга айланиб бормоқда. Маркетинг бошқарувини ташкил қилиш мураккаб вазифа бўлиб, бозорни тадқиқ қилиш, режаларни хисоб-китоб қилиш, кадрларни олдиндан тайёрлаш, бошқарувнинг функция ва методларини тубдан ўзгартиришни талаб этади. Маркетинг консепциясини ишлаб чиқариш тубдан қайта курилган такдирдагина қўллаш мумкин бўлади. Акс холда ишлаб чиқарувчи махсулот стратегиясида мавқеини муқаррар равишда бой бера бошлайди, талабнинг тез ўзгаришига мослаша олмайди. Бунинг оқибатида у фойда (даромад)нинг катта қисмини йўқотади ва х.к,