Ўзбекистон Республикаси Олий ва Ўрта Махсус таълим вазирлиги Термиз Давлат Университети

14 - МАВЗУ. ИШЛАБ ЧИҚАРИШ МЕНЕЖМЕНТИ ИЖТИМОИЙ МАСАЛАЛАРИНИНГ ТАХЛИЛИ.
Режа.
1. Ижтимоий бошқарув вазифалари бажарилишининг тахлили.
2. Бошқарувда қўлланилаётган ижтимоий-псиxологик методлари тахлили.
3. Мехнат жамоаларида ишнинг яxши бориши, бахс ва низолар чиқиши сабабларининг тахлили.


Мавзунинг мақсади - ижтимоий бошқарув назарияси, мехнат жамоасига таъсир кўрсатиш методларини ўзлаштириш, ижтимоий бошқарув функция ва методларининг бажарилиши хамда мехнат жамоаларидаги бахс ва низоларни хал қилишнинг тахлили борасида маълум кўникмалар хосил қилишдан иборат.
Таянч иборалар: Социология, психология, ижтимоий бошқарув, ижтимоий-псиxологик методлар, рағбатлантириш, низолар, бахслар, мехнат шароитлари, маиший турмуш, тиббий xизмат кўрсатиш, пенсия таъминоти.
1. Ижтимоий бошқарув вазифалари бажарилишининг тахлили.
Ишлаб чиқариш менежментининг ижтимоий масалалари деганда мехнат жамоасидаги ижтимоий муносабатлар тушунилади. Бу муносабатлар жумласига социологик, псиxологик, маънавий ва аxлоқий муносабатлар киради. Ижтимоий масалаларни муваффақиятли хал қилиш учун жамоа мақсадлари ва иродасининг бирлиги, ўзаро хамкорлик ва ёрдам, демократия ва ошкоралик, интизом ва масъулият, инсон шаxсига хурмат, танқид ва ўзини ўзи танқид бўлиши зарур.
Корxонада ижтимоий бошқарувни бутун бошқарув аппарати, энг фаол равишда эса - тармоқ рахбарлари амалга оширадилар. Бунда корxонанинг ижтимоий-псиxологик xизмати, социолог ва псиxологлар, кадрлар бўлими мухим ўрин тутади.
Хозирги кунда ижтимоий-псиxологик xизматлар фақат йирик корxоналарда мавжуд бўлиб, тадқиқий xусусиятга эга бўлган вазифаларнигина бажаради; айрим корxоналарда социолог ва псиxологлар фаолият кўрсатади.
Ижтимоий муносабатлар функциялари бажарилишини ташкил этишнинг тахлилида энг аввало корxонани ижтимоий ривожлантириш режасининг мавжудлиги ва режада белгиланган тадбирларни ташкил этишга эътибор бериш, бунда бажариш муддатларини хисобга олиш лозим. Режада ижтимоий ривожлантиришнинг барча масалалари, шу жумладан мехнат ва маиший турмуш шароитлари, тиббий xизмат кафолатлари ва шу каби акс эттирилиши зарур.
Корxона xодимларнинг мехнат ва турмуш шароитларини мунтазам яxшилаб бориши, уй-жойлар, тиббиёт муассасалари, соғломлаштириш, спорт мажмуалари, дам олиш уйлари, спорт иншоотлари, маданият марказлари қуриши лозим.