Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

3.1.2. Раҳбарнинг маънавий- аҳлоқий қиёфаси

Кутубхона-ахборот муассасаси раҳбарини фаолиятининг муваффакияти кўп жихатдан унинг аҳлоқий хусусиятларига боғлиқ. Бир томондан халоллик, ишчанлик, меҳнатсеварлик, масьулият каби аҳлоқий сифатлар шундай муваффақиятни таьминланса, иккинчи томондан виждонлилик мардлик, адолатлилик каби ижобий сифатлар унинг атрофига жамоа аьзоларини жипслашиши ва шу орқали белгиланган мақсадга эришишни таьминлайди.

Раҳбар аҳлоқи унинг маьнавиятидаги таркибий қисм бўлиши билан бир пайтда шу маьнавиятнинг хосиласидир. Аҳлоқ инсон тафаккури, ақл-заковатини, бутун фаолиятини ушлаб турувчи ходисадир. Инсон ақли қанчалик ўткир ва қудратли бўлса ҳам унинг аҳлоқи тубан бўлса, бу кучли ақл ва заковат вайронакор кучга айланади. Вайранокор куч эса шахснинг атрофидагиларга, жамиятгагина эмас, ўзга ҳам катта зарар етказади. Соғлом аҳлоқ ва унинг таркибидаги умуминсоний қадриятлар ақл- заковат қудратини вайронагарчилик йўлидан қайтариб бунёдкорлик томон йўналтириб туради.
Раҳбарнинг маьнавий –аҳлоқий қиёфасини шартли равишда бир неча қатламларга ажратиш мумкин. Булар қуйидагилардир:
Маьнавий киёфа. Бу қатлам шахс аҳлоқи учун пойдевор вазифасини бажаради. Маьнавий жихатдан ночор шахслар хеч қачон аҳлоқий жиҳатдан юксак бўла олмайди. Маьнавияти бой ва мустахкам инсонлар баркамол аҳлоқ ва мустахкам эьтиқод эгалари бўлиши мумкин.
Умумий аҳлоқий сифатлар, Улар қуйидагилардан иборат;
- инсонпарвалик;
- адолат;
- ватанпарварлик.
Инсонпарварлик –ҳар бир инсонга хурмат билан қараш унинг шаьнини қадрлаш ва ижобий сифатларинин ривожланиб, такомиллашиб боришига ишонч:
Адолат – одамларнинг хизматига алоқадор ва шахсий сифатларини, фаолиятини холис баҳолаш,уларнинг шахсиятини эътироф қилиш, танқидга очиқ муносабатда бўлиш. Соҳибқирон Амир Темур “Куч -адолатдадир”, деганда бу иборани ўзининг асосий шиори қилиб, адолат фақат жиноят ва жазо, меҳнат ва роҳат, ҳуқуқ ва масъулият ўртасидаги мутаносиблик булибгина қолмай, одамларга, давлатга, жамиятга улкан куч бағишлашини кашф этган эди.