Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Режалаштириш. Режалаштириш вазифаси кутубхона- ахборот муассасасининг мақсадлари ва бу мақсадларни амалга ошириш учун хизматчиларининг фаолиятлари бир мақсадга қаратишни ҳал этишдир.
Режалаштириш жараёнида кутубхона-ахборот муассасасининг холати уни ривожланиш даражаси, келгусидаги кучли ва кучсиз томонлари, ички ва ташқи факторлар баҳоланади. Қўйилган мақсадга эришиш, вазифаларни ҳал этиш учун тадбирлар ишлаб чиқилади. Бошқача қилиб айтганда режалаштириш жамоанин барча кучларини қўйилган ягона мақсадга эришиш учун бирлаштиради. Режалаштириш хисобот йилининг охирида кутубхона-ахборот муассасаси рахбарлари томонидан бир маротабалик амалга ошириладиган харакат бўлмасдан, балки узлуксиз равишда янги мақсадлар пайдо бўлиши билан такрорланиб турадиган жараёндир. Масалан, маркетинг тадқиқотларининг мақсади китобхонларни адабиётларга бўлган талабларини ўрганиш бўлса, кейин бу талабларни бажариш ишлари бўлади. Бу эса режалаштириш жараёни келажакда амалга оширилиши ва аниқ эмаслиги, бу жараёнга узлуксиз равишда ўзгаришлар қилиб бориш билан характерланади.
Ташкил этиш. Ҳар бир фаолият тартибга солиш ва системалаштиришни талаб қилади. Ҳақиқатдан ҳам кутубхона-ахборот фаолиятининг турли элементларининг ўзаро фаолият кўрсатишлари, масалан, комплектлаш ва хизмат кўрсатиш, фондни сақлаш ва унинг санитар-гигиеник холатидан, умуман кутубхонани фаолият кўрсатиши билан боғлиқдир. Ташкил этиш деганда, бошқаришнин иерархия даражаси ва ўзаро алоқаларни ўрнатиш, бошқача қилиб айтганда маълум бир тузилмани яратиш тушунилади. Ҳар бир тузилмада инсон омили бўлганлиги учун, аниқ бир вазифаларни, масалан, фондни комплектлаш, хужжатларни системалаштириш, хизмат кўрсатиш каби вазифаларни бажарадиган шахслар аниқ белгиланиши керак.
Ходимлар ўртасида ишларни тақсимланиши, ваколат узатиш деб номланади. Раҳбар ушбу ишлар, вазифалар учун одамларни танлар экан, уларга кутубхона ресурсларидан фойдаланиш ҳуқуқини ҳам беради. Раҳбардан маълум бир ваколатларни олган субъектлар топширилган вазифаларни мувоффиқиятли бажариш учун масъулиятни хис этадилар. Шунинг учун ҳам улар раҳбарга нисбатан ўзларини бўйсунувчи сифатида хис этадилар.