Ўзбекистон республикаси олий ва ўрта махсус таълим вазирлиги ислом каримов номидаги тошкент давлат техника университети «Электроника ва автоматика»

Такрорлаш учун саволлар

1. 
   Сертификатлаштиришнинг тарихини биласизми?
   
2. 
   Сертификат нима?
   
3. 
   Республикамизда сертификатлаштиришнинг энг юқори ривожланиш даври қайси вақтларга тўғри келади?
   
4. 
   Сертификатлаштиришда нечта томон иштирок этади?
   
5. 
   Республикамизда нечта сертификатлаштириш схемасидан фойдаланилади? Бошқа давлатлардачи?
   

7-Амалий машғулот

ЎЗБЕКИСТOН РЕСПУБЛИКAСИНИНГ “ТЕХНИК ЖИҲАТДАН ТАРТИБГА СОЛИШ ТЎҒРИСИДА” ГИ ҚОНУННИ ТАҲЛИЛ ҚИЛИШ.

Режа:

1. 
   Ўзбекистoн Республикaсининг “Техник жиҳатдан тартибга солиш тўғрисида” ги Қонуни ҳақида маълумот.
   
2. 
   Қонун бўлим ва моддаларини таҳлил қилиш ва мунозара юритиш.
   
3. 
   Умумий хулоса.
   

Калит (таянч) сўзлар: техник жиҳатдан тартибга солиш, техник регламент, умумий техник регламент, махсус техник регламент, савдодаги техник тўсиқлар.

Замонавий педогогик технология элементларидан, масалан интерактив усулини қўллаб дарс ўтилади.

Дарсда техник восита ва кўргазмали қуроллардан кенг фойдаланилади (кодоскоп, проектор, плакат ва ҳоказо).
Талабалар тарқатма материаллар билан таъминланадилар.
Талабалар мустақил фикрлаши учун тўла шароит яратилади.
Ўзбекистoн Республикaсининг “Техник жиҳатдан тартибга солиш тўғрисида” ги Қонуни N ЎРҚ-213 23.04.2009 й.да қабул қилинган.
Ушбу Қонуннинг мақсади маҳсулотлар, ишлар ва хизматлар хавфсизлигига доир мажбурий талабларни белгилаш, қўллаш ва бажариш соҳасидаги муносабатларни тартибга солишдан иборат.
Ушбу Қонунда қуйидаги асосий тушунчалар қўлланилади:
техник жиҳатдан тартибга солиш - маҳсулотлар, ишлар ва хизматлар хавфсизлигига доир мажбурий талабларни белгилаш, қўллаш ва бажариш;
маҳсулотлар, ишлар ва хизматлар хавфсизлиги - маҳсулотнинг, уни ишлаб чиқариш, ишлатиш (ундан фойдаланиш), сақлаш, ташиш, реализация қилиш ва утилизация қилиш жараёнларининг, бажариладиган ишлар, кўрсатиладиган хизматларнинг ҳолати бўлиб, бунда инсоннинг ҳаётига, соғлиғига, атроф-муҳитга, юридик, жисмоний шахсларнинг ва давлатнинг мол-мулкига зарар етказилиши эҳтимоли билан боғлиқ йўл қўйилмайдиган хавф мавжуд бўлмайди;