Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

IV. Янги ўтилган мавзуни мустаҳкамлаш ва баҳолаш.
Ўтилган мавзуни мустаҳкамлаш учун саволлар:
1. Ишлаб чиқариш нима?
2. Ишлаб чиқариш турлари неча хил бўлади?
3. Ишлаб чиқариш ресурсларига нималар киради?
4. Ишлаб чиқариш омилларига нималар киради?
5. Ишлаб чиқариш инсон ҳаётида қандай аҳамиятга ’га?
V. Дарсни якунлаш (хулосалаш) ва уйга топшириқ бериш.


2-машғулот.
"Технология ва дизайн" ва "Сервис хизмати" йўналишлари учун
Мавзу: Ўзбекистон халқ хўжалигида, саноат ва қурилишда моддий ишлаб чиқариш асослари ва уларнинг таркиби, ўзаро муносабати, бир-бирига боғлиқлиги


Ўқитувчига методик тавсия
Бу мавзу ҳақидаги айрим маълумотлар юқорида, яъни "Ўзбекистондаги ишлаб чиқариш турлари" деб номланган машғулотда қисман кўриб чиқилган. Мазкур мавзуни ўтишда ўша ўтилган мавзуни такрорлаш, унда айтилмай қолган маълумотларни айтиш зарур бўлади.
Мазкур машғулотни ташкил этишнинг яна бир кўриниши - ўқувчиларни бирор корхона ёки фармер хўжалигига сайёҳатга олиб бориш, у ердаги жиҳоз ва иш ўринларини кўриш, ўқувчилар ва ўқитувчилар билан учрашиш, суҳбат ўтказишдан иборат.
Бу ҳолда ҳам ўқувчиларнинг тўплаган материалларини ва таъсуротларини ўрганиш мақсадида уларга юқорида олиб борган ишлари бўйича эркин мавзуда реферат, иншо, ҳикоя каби ёзма ишларни бажаришни таклиф этиш мақсадга мувофиқдир.


3-машғулот.
"Технология ва дизайн" ва "Сервис хизмати" йўналишлари учун
Мавзу: Технологик жараён ҳақида асосий тушунча


Дарснинг мақсади:
1) таълимий - ўқувчиларга ишлаб чиқаришдаги технологик жараён, механик, кимёвий, биологик ва энергетик усуллар ҳақида умумий тушунча бериш;
2) тарбиявий - ўқувчиларга технологик жараёнларни амалга оширишда хавфсизликка риоя қилиш, тежамкорликка интилиш зарурлигини уқтириш;
3) ривожлантирувчи - ўқувчиларнинг ишлаб чиқаришнинг турли тармоқларида амалга ошириладиган технологик жараёнлар ҳақидаги билимини кенгайтириш. Ишлаб чиқаришга оид касбларга бўлган қизиқишларини
ривожлантириш.
4) ижодий - ўқувчиларда худудий ишлаб чиқаришда технологик жараёнлар, бу жараёнларни бажарилиши учун ривожлантириш (такомиллаштириш) ишлари хақида кўникмаларни етиштириш
5) амалий - ишлаб чиқаришдаги қўлланиладиган технологик жараёнларни устахонадаги бажарилган ишлар билан таққослаш малакасини ўқувчиларда ҳосил қилиш.