Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Касбга йўналтирувчи мақсад: ўқувчиларнинг ишлаб чиқариш соҳаларига оид билимларини кенгайтириш орқали уларни шу касбларга бўлган қизиқишларини мутаҳкамлаш, бирор касбни танлашларига кўмаклашиш.
Дарснинг вазифалари:
- ишлаб чиқаришдаги технологик жараён ҳақида умумий тушунча бериш;
- маҳсулотларни ишлаб чиқарилиши ва сифати бевосита технологик жараёнларни ташкил этилиши ва амалга оширилишига боғлиқ эканлигини тушунтириш.
Дарс типи: Янги билимлар бериш.
Дарс тури: назарий.
Дарсда қўланиладиган ўқитиш методлари: маъруза, суҳбат, тушунтириш.
Фанлараро боғланиш: техника, технология, математика, информатика, физика, иқтисодий билим асослари ва б.қ.
Дарс жиҳози: тарқатма материаллар, компьютер, проектор, экран, ишлаб чиқариш соҳаларига оид слайдлар, кўргазмалар ва ҳ.
Дарснинг бориши:
I. Ташкилий қисм.
II. Ўтилган дарсни сўраш ва баҳолаш:
1. Ўзбекистонда халқ хўжалигини ривожланиши ҳақида гапиринг.
2. Саноат ишлаб чиқариши ҳақида гапиринг.
3. Қурилишда моддий ишлаб чиқариш асослари ҳақида гапиринг.
4. Саноат ва қурилиш ишлаб чиқаришининг бир-бирига боғлиқлиги ҳақида гапиринг.
III. Янги ниавзуни баён қилиш.
Режа:
1. Ишлаб чиқариш технологияси ва унинг асосий мазмуни.
2. Технологик жараён ва унинг таркиби, хусусиятлари.
3. Технологик ҳаракат, усул ва операциялар.
4. Механик, кимёвий, биологик ва энергетик усуллар ҳамда уларни қўллаш технологик жараёнлари.
5. Ишлаб чиқариш жараёнининг таркибий схемаси.
Технология деганда маҳсулот олиш жараёнида ишлатиладиган хом ашё, материал ёки ярим тайёр маҳсулотларни қайта ишлаш, тайёрлаш, уларнинг ҳолатини, хоссалари ва шаклини ўзгартириш усулларининг мажмуи тушунилади. Одатда, технология муайян ишлаб чиқариш билан боғланади. Масалан, сулфат кислота олиш, пўлат эритиш, нон ёпиш, поябзал тайёрлаш ва ҳоказоларнинг технологияси бир-биридан фарқланади.
Жуда кўп технологик жараёнлар мавжуд бўлиб, уларнинг ҳар бири ўз структураси ва хусусиятларига эга. Лекин бир қанча технологик жараёнлар учун умумий бўлган қатор усулларни ҳам ажратиш мумкин. Ана шундай умумий (баъзан асосий деб аталадиган) усулларга механик, кимёвий, биологик ва энергетик усулар киради.