Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

IV. Дарс якуни:
1. Янги мавзу юзасидан ўқувчилар билимини мустаҳкамлаш.
1. Блузка андозасини газлама устига жойлаштиришни тушунтириб беринг?
2. Блузкани бичиш ва қирқимларга ишлов беришни биласизми?
3. Блузкани тикиш технологик жараёни тўғрисида нималарни биласиз?
4. Асбоб-ускуна, мосламалардан фойдаланишда санитария-гигиена талабларини биласизми?
2. Уйга вазифа бериш. Мустақил равишда блузка андозасини тайёрлаш ва блузка тикиш. Янги мавзуни такрорлаш.
3. Иш ўрнини йиғиштириш.


6-7-машғулот
(Амалий мустақил иш)
Мавзу: Халқ ҳунармандчилигининг танланган йўналишлари бўйича замонавий дизайн талаблари билан уйғунлаштирилган маҳсулот тайёрлашдаги иш усулларини эгаллаш


Дарснинг мақсади:
а) таълимий - ўқувчиларга халқ ҳунармандчилиги соҳаларидан дўппидўзлик бўйича буюмлар тайёрлашни ўргатиш;
б) тарбиявий - ўқучиларнинг сабрлилик, гўзалликни ҳис қилиш хислатларини ривожлантириш;
в) ривожлантирувчи — ўқувчиларнинг дўппидўзлик ҳунарига оид кўникмаларини ривожлантириш.
г) ижодий – ўқучиларни дўппидўзлик ҳунари бўйича малакасини ошириш;
д) амалий – намунага қараб буюмлар тайёрлаш;
Касбга йўналтирувчи мақсад: ўқувчиларнинг дўппидўзлик ҳунарига бўлган қизиқишларини ошириш, уларни шу ҳунарни ўрганиб олишга ундаш.
Дарснинг вазифалари:
- ўқувчиларнинг халқ ҳунармандчилиги соҳасидаги билимларини кенгайтириш;
- халқ ҳунармандчилигида ишлатиладиган асбоб-ускуналар ва қўлланиладиган иш усуллари ҳақидаги билимларни чуқурлаштириш;
- дўппи тикиш ишларини ўргатиш.
Дарс типи: Янги билимлар бериш.
Дарс тури: амалий.
Дарсда қўлланиладиган ўқитиш методлари: Тақдимот, баҳс-мунозара, савол-жавоб, амалий иш.
Фанлараро боғланиш: расм, тасвирий санъат, чизмачилик, математика, физика, иқтисодий билим асослари ва б.