Ўзбекистон республикаси олий ва ўрта махсус таълим вазирлиги фарғона политехника институти «электр техникаси, электр механикаси ва электр технологияси»

Назорат саволлари

1. 
   Фаза роторли асинхрон моторнинг тезлигини ростлаш усуллари тушунтириб беринг.
   
2. 
   Фаза роторли асинхрон моторнинг ротор чўлғамига қаршилик улаб тезликни ростлаш.
   
3. 
   Фазо регуляторларни ишлаш принципини тушунтиринг.
   
4. 
   Индукцион регуляторнинг ишлаш принципини тушунтиринг.
   
5. 
   Асинхрон машиналарининг махсус турлари тушунтиринг.
   

Тавсия этилган адабиётлар.

1. 
   А.И. Вольдек. « Электрические машины». Энергия, 1974. бетлар 580-595
   
2. 
   У.Иброҳимов. « Электр машиналари » Ўқитувчи. 1972. 146-149 бетлар
   
3. 
   Камолов Н. К. Маъруза матнлари. Фарғона 2004 йил. 61-68 бетлар
   

10-МАЪРУЗА
СИНХРОН МАШИНАЛАРНИ ТУЗИЛИШИ ВА ИШЛАШ ПРИНЦИПИ, ҚЎЗҒАТИШ ЧЎЛҒАМЛАРИ ҲОСИЛ ҚИЛГАН МАГНИТ МАЙДОН


Режа:
1.Умумий тушунчалар.
2.Синхрон машиналарнинг тузилиши ва турлари.
3.Синхрон генераторнинг ишлаши.
4. Аён қутбли синхрон машинанинг қўзғатиш чўлғами хосил қилган магнит майдон
5. Аёнмас қутбли синхрон машинанинг қўзғатиш чўлғами хосил қилган магнит майдон


Таянч сўз ва иборалар: синхрон машина, статор магнит майдони, ротор, синхрон тезлик, асинхрон, частота, жуфт қутблар сони, генератор, двигател, синхрон компенсатор, статор, ротор, чўлғам, магнит ўзак, қўзьатиш чўлғами, аён қутбли, аёнмас қутбли, юпқа электротехник пластина, ишга туширувчи, тинчлантирувчи, стерженлар, қисқа туташтирувчи чўлғам,магинт майдон, майдон коэффициенти, тўртбурчак, трапеция, биринчи гармоника, тарқалиш коэффициенти, чўлғам коэффиуиенти, хаво бўшлиғи синусоидал кўришида.


Умумий тушунчалар.

Ишлаб чиқариш корхоналарида асинхрон машиналар билан бир қаторда синхрон машиналар хам кенг қўлланилади.

Роторнинг айланиш тезлиги статорда ҳосил бўлган айланма магнит майдоннинг айланиш тезлигига тенг ўзгарувчан ток электр машинаси синхрон машина дейилади. Синхрон машиналар ҳам генератор ва мотор сифатида ишлатилади, лекин бу машиналар асосан уч фазали ток генераторлари сифатида кўп ишлатилади. Синхрон машина генератор сифатида ишлаганда унинг чулгамларида ҳосил бўладиган э.ю.к. нинг частотаси f_­1 роторнинг айланиш тезлигига пропорционал бўлади:

бунда: р- жуфт қутублар сони.
Машина мотор сифатида ишлаганда роторнинг айланиш тезлиги тармоқ кучланишининг частотасига пропорционал бўлади. Синхрон моторлар асосан қуввати катта ҳамда айланиш тезлиги доимий бўлган механизмларни харакатга келтиради. Синхрон моторларнинг қувват коэффициентини исталганча осон ўзгартириш мумкин, шунинг учун ҳам бу машиналар электр тармоқлари ва қурилмаларининг қувват коэффициентини ростловчи электр машиналар—синхрон компесаторлар сифатида ҳам ишлатилади.