Ўзбекистон республикаси олий ва ўрта махсус таълим вазирлиги фарғона политехника институти «электр техникаси, электр механикаси ва электр технологияси»

Назорат саволлари.

1. Синхрон генераторларнинг турларини айтиб беринг.

2. Якор чўлғамининг э.ю.к.ларининг ташкил этувчиларини тарифланг.
3. Аён қутбли ва аёнсиз қутбли синхрон генераторларнинг кучланишлар тенгламаларини ёзинг.
4. Аён қутбли ва аёнсиз қутбли синхрон генераторларнинг вектор диаграммаларини чизинг.
5. Синхрон машинанинг юкланиш бурчагини тарифлаб беринг.
6. Вектор диаграммаларининг кўринишлари юкламанинг характерига боғлиқ бўладими?


Тавсия этилган адабиётлар.

1. 
   А.И. Вольдек. « Электрические машины». Энергия, 1974.654-659 бетлар
   
2. 
   У.Иброҳимов. « Электр машиналари » Ўқитувчи. 1972.197-198 бетлар
   
3. 
   Камолов Н. К. Маъруза матнлари. Фарғона 2004 йил.94-100 бетлар
   

13-МАЪРУЗА
СИНХРОН ГЕНЕРАТОРЛАРНИНГ ХАРАКТЕРИСТИКАЛАРИ ВА УЛАРНИ ПАРАЛЕЛ ИШЛАШГА УЛАШ


Режа:

1. 
   Синхрон генераторларнинг асосий характеристикалари.
   
2. 
   Синхрон генераторларни параллел ишлашга улаш.
   

Таянч сўз ва иборалар: Кучланиш, ток, қўзғатиш токи, боғланиш, эгри чизиқ, тўйинган, ўртача тўйинган, ўта тўйинган, тўғри чизиқли, якор реакцияси, кучланишни актив пасайиши, координата боши силжиган, салт ишлаш, қисқа туташув, ростлаш, ташқи, юкланиш, магнитловчи, магнитсизлантировчи, кузғотиш токини ростлаш реостати, автоматик бошкариш, қисқа туташув токининг нисбати, индуктив юклама, актив юклама, сиғим юклама, кувват коэффициенти, индукцион характеристика, частота, фазалар кетма-кетлиги, фаза буйича мос тушиши, лампали синхроноскоп, электромагнитли синхроноскоп, аник синхронлаш, дагал синхронлаш, синхронизм, синхронлаштириш жараёни.


Синхрон генераторларнинг асосий характеристикалари.
Синхрон генераторларнинг қарор топган режимларида уларнинг якор чўлғамидаги ток, кучланиш билан қўзғатиш чўлғамидаги ток орасидаги боғланишни ифодаловчи характеристикалари бошқа характеристикаларининг ичида алохида гурухни ташкил этади. Бу характеристикалар ёрдамида синхрон генераторларнинг имкониятларини ўрганиш мумкин.
Бу характеристикалар машинанинг параметрларини ҳисоблаш ва синхрон машинада ўтказилган тажрибаларнинг натижаларига асосланиб қуриш мумкин. Бунинг учун синхрон генераторларни якор ва қўзғатиш чўлғамларига амперметр ва вольтметрлари уланиб уларнинг кўрсатмалари ёзиб борилади. Синхрон генераторларнинг салт юриш характеристикасини қуриш учун ротори синхрон тезликда айланаётган синхрон генераторнинг якор чўлғами ҳамма учлари очиқ қолдирилиб қўзғатиш токи нолдан аста секин орттириб борилади. Бу характеристика U =f(i_қ) орасидаги боғланишни аниқлаш имконини беради. Бу характеристикани қуришда f =f_н ва I=0 шартлар бажарилиши керак. Салт ишлаш режимида U = Е бўлади. Агар синхрон генераторларнинг салт ишлаш характеристикалари (СИХ)ни нисбий бирликларда қуриш керак бўлса у холда
(13.1)

СИХ ёрдамида синхрон генераторнинг магнит занжирини холатини ва характеристикаларини қуриш мумкин. Турбогенераторларнинг магнит ўзаклари бошқа машиналарга нисбатан анча тўйинган бўлиб, тўйиниш коэффициенти К_d=1,2 гидрогенераторларда эса К_=1,06. Салт ишлаш характеристикаси ёрдамида синхрон генераторнинг баъзи параметрларини ҳам аниқлаш мумкин.