Ўзбекистон Республикаси Олий ва Ўрта Махсус таълим Вазирлиги Фарғ

Билиш - инсоннинг ўзининг қуршаган дунёга бўлган муносабатларидан биридир.
Ведалар - диний мазмунга эга адабиётлар. Баъзи тахминларга кура, деярли тўққиз аср давомида Ҳиндистон ярим оролида яшаб келган қадимий халк ва элатлар томонидан яратилган.
Воқелик - реал мавжуд булган, яшаб турган нарса ва ходисалардир.
Гносеология - (гносис — билиш, логос — таълимот) фалсафада дунёни англаш, унинг умумий қонуниятларини билиш билан шуғулланади.
Гностиклар - Бу давр фалсафасида ўз ўрнига эга бўлган гностицизм эрамизнинг 150 йилларида ўзининг юксак равнақига эришади. Улар шундай фалсафий таълимот яратдиларки, уларнинг фикрича Худо руҳ сифатида ёвузликда мутлақо соф, инсон эса ўз табиатинниг руҳий жиҳати билан худога мослашган.
Герменевтика - қадимги юнон афсоналаридаги худоларнинг хоҳиш ва иродасини инсониятга тушунтириб бериш учун ерга юборилган элчиси — Гермес номи билан аталади. Демак, герменевтика — тушуниш, тушунтириш, таҳлил этиш ғояларига асосий диққатини қаратади.
Гипотеза - текширилаётган предмет ёки ходиса тўғрисида илгари сурилган илмий жиҳатдан асосланган, илмий факт ва маълумотларга зид бўлмаган, лекин ҳақиқатлиги ҳали исботланмаган илмий билиш шаклидир.
Дуализм - (лотин тилида дуа, яъни икки деган маънони ифодалайди) — оламнинг асосида иккита асос, яъни модда ва материя билан бирга руҳ ва ғоя, яъни идея ётади деювчи қараш.
Диалектика - грек тилида бахс ва суҳбатлашиш санъати деган маънони англатади. Антик дунё файласуфлари уни ҳақиқатга эришиш йўли ва усули сифатида талқин этганлар.
Дунёқараш тушунчаси - Инсон узини ва дунёни зарурий равишда англаши, унга баҳо бериши, хулоса чиқариши булиб, дунёни инсон онгидаги узига хос инъикосидир. Инсоннинг ўзига ва уни қуршаб турган борлиққа булган муносабатларини ифодалайдиган куникмалари, малакалари, билимлари хамда дунёни амалий ва назарий узлаштириш ҳамдир.
Дин - арабча ишонч, ишонмоқ демакдир. Борлиқни яратувчи ва бошқарувчи, адолатнинг юксак намунаси, моддий оламга хос булмаган ва айни вақтда баркамолликнинг олий куриниши сифатида тушунилувчи олий мавжудотга, яъни Худога нисбатан муносабат, тасаввур, урф-одат ва маросимлар мажмуидир.