Ўзбекистон Республикаси Олий ва Ўрта Махсус таълим Вазирлиги Фарғ

Имконият - юзага чиқмаган воқеликдир.
Категория - қадимги юнон тилидан олинган бўлиб: «изоҳлаш», «тушунтириш», «кўрсатиш», деган маъноларни англатади. Унинг мазмунидаги бундай хилма-хиллик қадимги даврларданоқ илмий тадқиқот йўналишига айланган
Система — нарса ва ҳодисаларнинг боғланишлари, алоқадорлиги ва муносабатининг тартибли тадрижий ривожланишини ифодалайди.
Конфуций – қадимги Хитой файласуфи (551-479) яшаб ижод қилган. Унинг «Ҳикматлари», яъни афоризмлари ҳозирги кунгача жуда машҳур ҳисобланади.. Конфуций таълимотида умуминсоний қадриятларнинг хитой халқи турмуш тарзида ўзига хос тарзда намоён бўлиши, бу халққа хос маънавий мезонлар акс этган. Конфуцийнинг таъкидлашича, шахс фақат ўзи учун эмас балки жамият учун ҳам яшаши керак.
Кузатиш - ҳаракат ўзгариш ва ривожланишдаги маълум объектни табиий шароитда у қандай бўлса, шу холиса диққат билан, белгиланган вақт ичида, маълум мақсад асосида кўздан кечириб боришдир.
Конкретлаштириш - олдинги бутун белги ва хусусиятларни яна предмет ёки ходисалар билан боғлаб шу предмет ёки ходиса ҳақида аниқ бир фикр ҳосил қилишдир.
Лао-Цзи - (VI-V асрлар) қадимги Хитойнинг кўзга кўринган файласуфларидан бири. Унинг таълимотига кўра, олам, жамият ва инсон ҳаёти Дао қонунига бўйсунмоғи лозим. Даосизм таълимоти ана шу тариқа шаклланган. Дао қонуни — табиатнинг яшаш қонунидир, ундаги ранг-баранглик кураши ва уйғунлиги абадийлигининг эътироф этилишидир.
Маздак таълимоти -У эрамизнинг V-VI асрларида кенг тарқалган эди. Унинг асосчиси Маздак (470-529 йиллар) бўлган. Маздак ва унинг маслакдошлари ўз қарашларида ҳалқ оммасига суянган. Халқнинг озодлик, эркинлик, ҳурлик йўлида олиб борган ҳаракатларига раҳнамолик қилгани учун тез фурсатда уларнинг маслакдошлари, издошлари кўпайиб кетган. Маздакийлик ижтимоий тенгсизликни бартараф этиш йўлида курашга даъват этувчи мафкура сифатида хизмат қилган.
Материя - Моддий объектларга хос хусусиятларни умумий тарзда ифодалаш учун қулланиладиган фалсафий тушунча булиб, объектив борлиқни реал шаклини ифодалайди.