Халқаро Олимпипия Қўмитасининг учинчи Президенти Анри Де Байе – Латур Байе – Латур (Baillet- Latour) Анри де, граф (1876 йил 1 март -1942 йил 6 январь, Брюсель) – Халқаро Олимпия Қўмитасининг учинчи Президенти.
Бельгиянинг Антверпен провинцияси собиқ губернатори оиласида дўнёга келган. Болалик пайти ва Левен университетида ўқиган йиллари спортнинг чавандозлик турига қизиққан. Университетни тугаллаган кейин дипломатикхизматда: Бельгия ҳукумати топшириқларини бажарган, унинг Голландиядаги дипломатик вакили бўлган.
1903 йилда Бельгиядан Халқаро Олимпия Қўмитаси аъзоси этиб сайланган. 1905 йилда ХОҚ нинг 3 конгрессини тайёрлаш ва ўтказишга шахсан катта ҳисса қўшиб, бу халқаро ташкилотда катта обрў – эътибор қозонган. 1906 йилда Бельгия Миллий олимпия қўмитаси таъсисчиларидан бири бўлган.
Бевосита унинг таъсири туфайли Бельгиянинг Антверпин шаҳри 1920 йилги олимпия ўйинларининг пойтахти этиб танланган. Антверпен биринчи жаҳон уруши йиллари вайронага айлантирилганлигига қарамасдан 7 Олимпиаданинг ўтказиш ташкилий қўмитасининг президенти этиб сайланган Анри де Байе – Латур бу жаҳон спорти байрами муваффақиятли ўтишни таъминлашга катта ҳисса қўшган .
Халқаро Олимпия Қўмитаси 1921 йилда ўзининг биринчи Ижроия қўмитасини шакллантирганда Анри де Байе – Латур унинг аъзоси этиб сайланди. 1922 йилда Бразилиядаўтказилган Жанубий Америка ўйинларида ХОҚ раҳбарияти вакилли бўлган Байе – Латур бу минтақа спорт ташкилотлардаги турли можаро ва муаммоларини муваффақиятли ҳол эта олган.
Халқаро Олимпия Қўмитасининг 1925 йил 28 майдаги 24 –сессиясида Анри де Байе – Латур икки тур овоз беришдан сўнгХОҚ Президенти сайланди.
Халқаро Олимпия Қўмитасининг 1933 йил Венада бўлиб ўтган сессиясида Анри де Байе – Латур иккинчи саккиз йил муддатига ХОҚ Президенти этиб сайланди. Анри де Байе – Латур раҳбарлигида ХОҚ 2, 3 қишқи Олимпиадаларини, 9, 10, 11 олимпия ўйинларини ўтказди.
Халқаро Олимпия Қўмитасининг тўртинчи Президенти Юханнес Эдстрем Эдстрем (Edstrom) Юханнес Зигфрид (1870 йил 21 ноябрь, Гетеборг, Швеция – 1969 йил 18 март, Стокгольм, Швеция)- ХалкароОлимпия Қўмитасининг тўртинчи Президентидир.
Юханнес Эдстрем Швеция ва АҚШ да таълим олган, Швейцариянинг Цюрих шахридаги Федерал технология институтида муҳандис энергетик ихтисослигини эгаллаган. Шундан кейин АҚШ ва Швейцария концернларида ишлаган, 20 аср охирида Швецияга қайтиб, трамвай корпарациясида меҳнат фаолиятини давом эттирган. Кейин Швецияда йириклардан ҳисобланган“ ASSA “ компаниясининг президенти бўлган.
Юханнес Эдстрем ёшлигидан енгил атлетика билан шуғулланган. 1891йилда 100 ва 150 метрга югурушда Швеция рекордини ўрнатган.
1901 – 1903 йилларда Швеция енгил атлетика федерациясининг президенти бўлган, Швецияда спортни ривожлантириш маъмурий органи Риксид Роттс Фербундер ташкилотчиларидан биридир. У Стокгольмдаги бешинчи олимпия ўйинлари ташкилотчиларидан ҳисобланган.
1902 йилда Юханнес Эдстрем Халқаро ҳаваскор енгил атлетикачилар федерацияси – ИААФ нинг биринчи президенти этиб сайланди. У 1946 йилгача ана шу лавозимда бўлди. Юханнес Эдстрем 1921 йилда Халқаро Олимпия Қўмитаси аъзоси, кейинХОҚ ижроия қўмитасининг аъзоси этиб сайланган. 1946 йилда ХОҚ нинг 40 – сессиясида Юханнес Эдстрем Халқаро Олимпия Қўмитасининг Президентиэтиб сайланди. Юханнес Эдстрем Пьер де Кубертеннинг ҳаваскор спортни ривожлантириш тамойиллининг тарафдори эди. У олимпия ҳаракатида миллатчиликнинг ҳар қандай кўринишга қатъий қарши эди. Юханнес Эдстрем ХОҚ нинг 1949 йилдаги 44 – сессиясида Халқаро олимпия академиясини ташкил этиш таклифини қўллаб – қувватлади. Бу ғоя 1961 йилда амалга оширилди. Юханнес Эдстрем ХОҚ нинг 1950 йилги 45 – сессиясида саънат танловларини олимпия ўйинлари дастуридан чиқариш. Олимпия доирасида турли саънат фестиваллари кўргазмалари ўтказиш таклифини киритди.Бу ўн бешинчи Олимпиададан бошлаб амалга оширилди. Юханнес Эдстрем ХОҚ нинг 1952 йил 16 июль куни бўлиб ўтган 48- сессиясида ўз илтимоси билан истеъфога чиқди. У умрининг охирига қадар ХОҚ нинг фахрий президенти эди.
