Ўзбекистон республикаси олий ва ўрта махсус таълим вазирлиги фарғона давлат университети педагогика факультети

Халқаро Олимпия Қўмитасиолтинчи Президенти
Майкл Килланин
Килланин (Killanin) Майкл Маррис, лорд (1914 йил 30 июль, Лондон) – Халқаро Олимпия қўмитасининг олтинчи президенти.
Майкл Килланин Париж ва Кембриж университетларидатаълим олган. Ёшлигида спортнинг чавандозлик, бокс ва эшкак турлари билан шуғулланган. 1935 – 1936 йилларида Майкл Килланин “ Дейли экспресс “ газетасида мухбир, 1937 – 1938 йилларда бу нашрнинг Осиёдаги ҳарбий мухбири, 1938 – 1939 йилларда “ Дейли мейл “ ва “ Санди диспетч “ газеталарида сиёсий шарҳловчи бўлиб ишлаган.
У 1938 – 1945 йилларда Буюк Британия Қуролли кучларининг зобити, иккинчи жаҳон уруши қатнашчисидир.Ўтган аср 40 – йилларининг охири 50 – йилларининг бошларида Майкл Килланин турли саноат фирмаларида маъмурий лавозимларниэгаллаган. 1950 йилда Ирландия миллий олимпия қўмитасининг Президенти этиб сайланган. Майкл Килланин олимпия ҳаракатининг фаолларидан биридир. У 1952 йилдан Халқаро Олимпия Қўмитасининг аъзоси, 1967 йилдан ХОҚ ижроия қўмитаси аъзоси, 1968 йилдан эса ХОҚ нинг вице – президентидир. У 1972 йилда ХОҚ нинг Мюнхенда бўлиб ўтган 83 – сессиясида Халқаро Олимпия Қўмитасининг Президенти этиб сайланди.
Майкл КилланинОлимпия хартиясидаги ҳаваскор спортчи мақолига аниқликлар киритилган “26 қоида” муаллифларидан биридир. У спортни тижоратлаштиришга қарши бўлгани ҳолда миллий олимпия қўмиталарининг ўз спортчиларининг олимпия ўйинларига тайёргарлик курушлари ва уларда қатнашишлари билан боғлиқ ҳаражатларини қоплашларига хайриҳоҳлик билдирган. Майкл Килланин ХОҚ Президенти лавозимида эканлигида Халқаро Олимпия Қўмитасининг миллий олимпия қўмиталари ва халқаро спорт федерациялари билан алоқалари мустаҳкамланади.
Майкл Килланин ривожланаётган давлатларда олимпия ҳаракатининг, спортни ривожлантиришга шахсан катта ҳисса қўшди.У ХОҚ нинг “ Олимпия бирдамлиги “ дастурини ишлаб чиқиш ва амалга ошириш ташаббускори бўлди. ХОҚ Майкл Килланин раҳбарлигида Монреалдаги 21, Москвадаги 22 олимпия ўйинларини, Инсбрукдаги 12 ва Лейк – Плэсиддаги 13 қишки Олимпиадаларни ўтказди. Бу даврда турли сиёсий қарамақаршиликлар, олимпия ўйинларин байкот қилишга уринишларига қарамасдан Майкл Килланин раҳбарлигидаги ХОҚолимпия харакати парчаланиб кетишга йўл қўймади.
Майкл Килланин 1980 йилда ўз хоҳишига кўра ХОҚ Президентлиги лавозимидан истеъфога чиқди.