Ўзбекистон республикаси олий ва ўрта махсус таълим вазирлиги фарғона давлат университети

Ижтимоий хизматдаги иш юритишнинг муҳим хусусиятларидан бири шундаки, ҳужжатларнинг қисмлари турлича тақдим қилиниши мумкин, улар:
- мижознинг сўзларига кўра муаммони дарак шаклида баён қилиш (субъектив ахборот);
- таҳлил қилиш, умумлаштириш, хизмат кўрсатишни баҳолаш муносабати билан, томонларнинг хулқ-атворини, расмий шахслар ва ташкилотларнинг ёрдам кўрсатиш жараёнига муносабатини эътиборга олган ҳолда тавсифлаш (таҳлилий ахборот);
- анкета сўровлари, турли маълумотлар, гувоҳномалар натижалари (объектив ахборот);
- ҳаракат режалари ва дастурлари, муайян шаклда тузилган баённомалар, қабул қилинган мажбуриятлар, тавсифномалар, ишончномалар (тактик хизмат ахбороти);
-ҳисобот маҳсулотлари (бажарилган иш тўғрисида, олинган пул маблағлари ва бошқалар тўғрисида) комиссия хулосалари, текширишҳужжатлари ва бошқалар (натижаларни қайд қилувчи ахборот).
Шундай қилиб, иш юритиш ижтимоий хизматда жуда муҳим рол
ўйнайди ва унинг асосларини билиш ҳар бир мутахассис учун зарур.


3. Ижтимоий соҳа муассасаларида архивларни ташкиллаштириш ва бошқариш
Ҳужжатлар билан олиб бориладиган жорий ишда уларни гуруҳларга бўлиш, тасниф қилиш ва сақлашнинг тўғри тизими муҳим рол ўйнайди. Муассасаларда ҳужжатларни тасниф қилиш учун делолар номенклатураси ва
классификатори яратилади. Уларнинг ёрдамида ҳужжатлар делоларга, делолар гуруҳига (масалан,муассасанинг бирор бир бўлими ёки ишидаги бирор йўналиш делолар гуруҳига) жамланади. Ижтимоий хизматчи делолар номенклатураси тузишни, классификатордан фойдаланишни билиши лозим.
Бажариб бўлинган ҳужжатлардан аста-секин архив ташкил топади. У аввало иш юритиш жараёнида вужудга келади, кейин ҳужжатлар сақлаш учун муассаса архивига ўтказилади. Доим сақланадиган ҳужжатлар кейинчалик давлат архивларига топширилади. Ижтимоий хизматчи ҳужжатлар билан ишлаш жараёнидаёқ арихивнинг асосларини тўғри ташкил қила билиши керак. Кейин у тайёр бўлган ва якунланган делоларни муассаса архивига шундай ҳолатда топшириши керакки, кейинчалик уларни қайта ишлашга тўғри келмасин.
Архивни шакллантиришда ҳужжатлар муҳимлиги, қимматига қараб,
сақлаш муҳлатлари бўйича гуруҳланади. Бунинг учун улар баҳоланади
(экспертиза қилинади). Ижтимоий хизматчи махсус маълумотномалардан
фойдаланиб ҳужжатларни уларнинг сақланиши лозим бўлган муҳлатларга
қўя билиши керак.
Ҳар бир ҳужжат бир неча таркибий қисмдан иборат. Ҳужжатларни
тўғри тузиш, таҳлил қилиш сифатини аниқлаш учун улардан хабардор бўлиш лозим.