Ўзбекистон республикаси олий ва ўрта махсус таълим вазирлиги бухоро мухандислик технология институти архитектура

2.Фуқаролик биноларининг конструктив тизимлари

Биноларнинг конструктив ечими лойиҳалашнинг бошланғич этапларида, уларнинг конструктив, қурилиш тизимларини танлаш билан аниқланади. Конструктив система деб бинони мустаҳкамлиги, бикрлигини ва турғунлигини таъминловчи бир-бирига боғлиқ бўлган юк кўтарувчи конструкцияларнинг мажмуасига айтилади. Бинонинг конструктив тизимини танлаш, ундаги ҳар бир конструкциянинг статик ролини аниқлаб беради. Конструкциянинг материали ва тиклаш техникаси бинонинг қурилиш тизимини танлаганда аниқланади.
Бинонинг юк кўтарувчи конструкциялари бир-бирига боғлиқ бўлган вертикал ва горизонтал элементлардан ташкил топади.

Горизонтал юк кўтарувчи конструкциялар (том ва оралиқ том) ўзига келган ҳамма вертикал юкларни қабул қилиб, қаватлараро вертикал юк кўтарувчи конструкцияларга (деворларга, устунларга) узатади, улар ўз навбатида юкни бинонинг асосига узатади. Горизонтал юк кўтарувчи конструкциялар, одатда, бинода бикрлик диафрагмалари ролини ўйнайди.

Икки қаватдан юқори бўлган фуқаролик биноларининг горизонтал юк кўтарувчи конструкциялари ёнғинга қарши меъерлар талабларига асосан қийин ёнадиган ёки ёнмайдиган бўлиши керак.
Биноларнинг вертикал конструкциялари турли хил бўлади. Конструкциянинг кўриниши, бинонинг конструктив системасини аниқлаш учун хизмат қиладиган белгидир. Конструктив системалар тўғрисида маълумотлар 2.1-расмда келтирилган.




2.1-расм. Фуқаролик биноларининг конструктив тизимлари



2.2-расм. Асосий конструктив системалар:
А-каркасли; Б-каркассиз; В-ҳажмий-блокли; Г-стволли; Д-қобиқли

Вертикал юк кўтарувчи конструкцияларнинг кўринишларига асосан биноларнинг бешта асосий конструктив системасини кўрсатиш мумкин. Бино ва иншоотлар консрукцияси буйича каркасли, каркассиз, ҳажмий-блокли, стволли ёки қобиқли тизимда лойиҳаланиши мумкин (10.2-расм).

Асосий конструктив системалар қаторида аралаш конструктив системалар ҳам кенг қўлланилади. Бунда вертикал юк кўтарувчи конструкциялар турли хил элементлардан йиғилади, масалан стерженли ва юзали, стерженли ва стволли (2.3-расм).





2.3-расм. Аралаш конструктив системалар:
а - тўлиқсиз каркас билан; б- каркас-диафрагмали; в- каркас-стволли;
г-каркас-блокли; д - девор блокли; е - ствол-деворли; ж – ствол-қобиқли;
и- каркас-қобиқли