2-Маъруза. Автоматика тизимларини лойиҳалашнинг блокли-иерархик усули

2-Маъруза.


Автоматика тизимларини лойиҳалашнинг блокли-иерархик усули

Режа

1. 
   Автоматика тизимларини блокли-иерархтик усулда лойиҳалаш.
   
2. 
   Блокли-иерархик усулнинг афзалликлари ва камчиликлари.
   
3. 
   Блокли-иерархик лойиҳалаш усулига мисоллар.
   

1. Автоматика тизимларини блокли-иерархик усулда лойиҳалаш.
Одамнинг муҳандислик фаолияти аввало техник объектларниишлаб чиқиш - уларни лойиҳалашга боғлиқ бўлади. Лойиҳалаш бу – янги маҳсулот яратиш ёки берилган талабларни қондирувчи янги жараёнларни амалиётда қўллаш учун зарур бўлган барча ҳужжатларни олиш мақсадидаги қидирувлар, тадқиқот, ҳисоб-китоб ва конструкциялаш бўйича ишлар мажмуасидир. Инсон фаолиятининг истаган соҳасида ЭҲМни қуллаш улкан формализация, тушунчаларни, терминларнинг бир хиллигини ва таснифнинг аниқлигини жуда қатъий аниқлаш юзасидан қўплабмураккаб масалаларни қайта кўриб чиқишни талаб қилади. Бу муносабатларда ва автоматика тизимларини лойиҳалаш соҳасида истиснолар бўлиши мумкин эмас.
Фан ва техника тараққиёти барча мураккаброқ техник объектлар – катта миқдордаги ўзаро боғланган элементлардан тузилган муракаб тизимлар (автоматика тизимлари)ни ёритишга олиб келмоқда.бу объектларни ишлаб чиқиш бир неча йилни олади ва кўпгина мутахассисларни жалб этишни талаб қилади. Лойиҳалашнинг бундай муддати одатда тўғри келмайди, чунки вақт ўтгани сари маънавий жиҳатдан эскира бошлайди.
Бунинг олдини олиш учун иккита тенденция мавжуд, тизимни мураккаблаштириш ва лойиҳалаш муддатини қисқартириш, булар автоматика тизимларини лойиҳалашни автоматлаштиришни кундалик заруриятга айлантиради.
Блокли-иерархик усулда лойиҳалаш жараёни ва объектнинг ўзини тақдим этиш босқичларга тақсимланади. Юқори босқичда энг умумий қисмлар ва лойиҳаланаётган тизимнинг ўзига хосликларини кўрсатувчи кам деталли кўринишдан фойдаланилади. Ишлаб чиқишнинг ҳар бир янги босқичида кўриб чиқишнинг тўлиқлик даражаси ўсиб боради, бунда тизим тўлиғича эмас, алоҳида блоклар сифатида қаралади. Бундай усул ҳар бир босқичда масалаларни мумкин даража мураккабликда, яъни инсон тушунадиган, англай оладиган ва лойиҳалаш воситалари ёрдамида ечиш мумкин бўладиган қилиб формулалаштириш ва маслаларни ҳал қилишга имкон беради. Блокларга бўлиш шундай бўлиши керакки, истаган босқичдаги блокнинг ҳужжатлари битта одам томонидан аниқланади ва қабул қилинади.