Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Авра газламадан листочка қўйилган ички чўнтакларни тикиш
Чўнтак халтага кўринма пастки четлари 0,7 см. букилиб, бостириб тикилади (чок1). Чўнтак ўрни 3 та чизиқ билан белгиланади. Авралик газламадан олинган листочка ўртасидан букланиб дазмолланади. Белгиланган чизиқ бўйлаб листочка қирқими юқорига қилиниб, устига чўнтак халтанинг бир қисми ўнги пастга қилиниб, олд бўлак астарига уланади (чок 2). Кўринма уланган чўнтак халтанинг иккинчи қисми тайёр листочка кенглигига тенг масофада олд бўлакка уланади ( чок 3). Бахяқаторлар орасида олд бўлак астари қирқилади. Чўнтак халталар тескари томонга ағдарилиб тўғриланади ва учала томони чўнтак оғзи учларини пухталаб тикилади (чок 4). Пишиқ бўлсин учун листочка ён томонларига ва кўринма уланган чок устига бахяқатор юритилади ( 6.2.14-расм, чок 5 ).

6.2.14-расм. Авра газламадан листочка қўйилган ички чўнтакни тикиш.

Икки мағизли рамкали ички чўнтакларни тикиш
Астар олд бўлагига чўнтак ўрни белгиланади. Белгиланган чизиқлар бўйлаб мағизлар бир ёки икки игнали пичоқли машинада тикилади (чок 1,2). Чоклар астар томон букилади, мағизнинг четлари моделга мувофиқ рамка ҳосил қилиб, пастки мағиз остига чўнтак халтани қўйиб, устки мағиз остига осма измани ва кўринмали чўнтак халтани қўйиб тикилади (чок 3, 4). Сўнгра чўнтак халта тикилади (чок 5), чўнтак учлари махсус 220 кл. машинасида пухталанади (6.2.15-расм, чок 6). Тайёр чўнтак дазмолланади.

6.2.15-Рамкали ички чўнтакни тикиш. 6.2.16-расм. Аёллар устки кийими ички

чўнтагини тикиш.

Аёллар ва қизлар кийимида ички чўнтак ўнг олд бўлакнинг адип билан астари уланган чокида тикилади. Чўнтак халта 0,8 см. кенгликдаги чок билан оғзи тикиладиган қирқимгача 1 см. етказмай тикилиб йўрмаланади (чок 1). Олд бўлак астари билан чўнтак халта 10 мм. кенгликдаги ағдарма чок билан тикилади (чок 2). Олд бўлакдан 0,2 см. кенгликда кант ҳосил қилиб, зийи синиқ чизиқли бахяқатор билан пухталанади (чок 3). Чўнтак халтанинг иккинчи қисми адипга астарни улаётганда бирга тикилади (6.2.16-расм.чок 4).