Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Ички чўнтакларни тикиш
Ички чўнтаклар конструкцияси турли туман бўлиб, эркаклар ва ўғил болалар устки кийимининг олд бўлаги астарида, аёллар устки кийимининг эса адип билан астарнинг уланиш чокларида тикилади ва қирқма, чокдаги турларига бўлинади. Корхонанинг товар белгиси кўпинча кўринма устига бостириб тикилган ёки кўринмани чўнтак халтага тикиш чокига қўйилган бўлади. Кўпинча эркаклар кийими ички чўнтакларининг тугма ва измали тақилмаси бўлади.
Ички чўнтакларнинг астар газламадан листочка қўйилган, авра газламадан листочка қўйилган, икки мағизли рамкали, яхлит бичилган астарнинг олд бўлагида, яхлит бичилган чўнтак халта билан тикилган турлари бор. Бу чўнтакларнинг тикилиши 3 босқичдан иборат:
1. Чўнтак оғзини безатадиган листочка ёки мағизни тайёрлаш
2. Чўнтак халтани тайёрлаш
3. Чўнтакни тикиб йиғиш


Астар газламадан листочка қўйилган ички чўнтакларни тикиш
О лд бўлакка чўнтак ўрни 3 та чизиқ билан белгиланади. Листочка тайёрлаш учун чўнтак халта устига астарлик газлама парчаси бостириб тикилади (чок 1). Сўнгра чўнтак халтанинг юқори қирқими бу бўлак билан ўралиб листочка ҳосил қилинади. Чўнтак халта унга қотирма бўлиб хизмат қилади. Иккинчи чўнтак халтага кўринма бостириб тикилади (чок 2). Тайёр листочка олд бўлакка белгиланган чизиқ бўйлаб уланади (чок 3). Уланган листочка этак томон қайрилиб, чўнтак халтанинг кўринма уланган қисми листочка уланган чокдан тайёр листочка энига тенг масофага уланади (чок 4). Бахяқаторлар орасида олд бўлак астари чўнтак учларига 1,5 см. етказмай қирқилади ва бахяқатор томонга 0,1 см. етказмай қиялатиб қирқилади. Чўнтак халталар тескари томонга ағдарилиб, листочка учлари тескари томонга ўтқазилади. Чўнтак халтанинг учала томони тикилади (чок 5). Чўнтакнинг ён ва уст томонига унинг пишиқлигини ошириш учун чоклардан 2 мм. наридан бахяқатор юритилади (6.2.13-расм,чок 6).

6.2.13-расм. Астар газламадан листочка қўйилган ички чўнтакни тикиш.