Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

НАЗОРАТ САВОЛЛАРИ:
1. Коплама чунтакларнинг кандай турлари бор?
2. Коплама чунтаклар асосий деталларга кандай усуллар билан уланади?
3. Ички чунтакларнинг кандай турлари бор?
4. Ички чунтакларни тикиш неча боскичдан иборат?


ТАЯНЧ ИБОРАЛАР:
Чунтак, куринма, копкок, листочка, буйлама, чунтак халта, магиз, астар.


МАЪРУЗА № 14


МАВЗУ: АЁЛЛАР ЮБКАЛАРИНИ ТИКИШ
РЕЖА:
1. Юбканинг молния тасмали тақилмасини тикиш
2. Юбканинг юқори қирқимини тикиш
3. Юбканинг этагини тикиш
Юбкалар этаги торайтирилган, "клёш", "кенг клёш", этаги кенгайтирилган бўлиши мумкин. Тикиладиган чоклар сонига қараб, бир чокли, икки чокли, тўрт чокли, олти чокли ва саккиз чокли бўлади. Юбкалар астарли бўлиши мумкин. Юбканинг ҳамма бириктирма чокларининг қирқимлари махсус 51-А кл., 208-А кл. машиналарида йўрмаланади. Витачкалари тикилиб, ёриб ёки бир томонга ётқизиб дазмолланади. Юбканинг тақилмаси чокда, тахламада бўлади ёки махсус тикилади.
Юбкани тикиш 3 босқичдан иборат:
- тақилмасини тикиш
- юқори қирқимини тикиш
- пастки қирқимини тикиш
Юбканинг молния тасмали тақилмасини тикиш
"Молния" тасмани асосий деталга кўринмайдиган қилиб улаш мумкин. Тақилма молниясининг тишлари ич кийимни илмаслиги учун юбка тескарисига эҳтиёт кўринма уланади. Эҳтиёт кўринма асосий материалдан бичилади, унинг эни 8-9 см., узунлиги тақилма узунлигига тенг бўлади. Кўринмани ўнгини ичкарига қаратиб, узунасига икки букилади ва юқори томони ағдарма чок билан тикилади. Кейин ўнгига ағдарилади ва иккита очиқ қирқимли томони махсус 51-А кл машинасида йўрмаланади. Тайёр эҳтиёт кўринма дазмолланади. "Молния" тасмани асосий детал тескарисига қўйиб, асосий детал ўнгидан бостириб тикилади. Кейин асосий детални қайтариб туриб, орт бўлак чок ҳақига эҳтиёт кўринмани унинг қирқимларини орт бўлак томонга қаратиб қўйиб, чок ҳақига бириктириб тикилади. Тақилма пастки учи олд бўлак тескарисидан иккита қайтма бахяқатор юритиб пухталанади (6.8.1-расм, а ).
Юбканинг "молния" тасмасини бириктирма чок билан тикишда, юбка чоклари бириктириб тикилгандан ва ёриб дазмоллангандан кейин, тасма детал тескарисидан чок ҳақи тагига қўйилади ва тасма четидан 4-7 см. масофада бахяқатор юритилади. "Молния" тасмасининг юқориги қирқимлари юбка юқори четидан 0,5 см. нарида тикилади. Тақилма охирида "молния" охирги тишларидан 5 мм. масофада кесимга перпендикуляр қилиб, бахяқатор юргизилади (6.8.1-расм, б).



а б

6.8.1-расм. Юбканинг «молния» тасмали тақилмаларини тикиш.